حضرت ِ احمد رضا کارِ نمایاں کرگئے          غیرمسلم جوتھے ان کوبھی مسلماں کرگئے

اللہ اللہ یہ تصرف آپ کا او ریہ کمال       خَلْق کو وابستہ دامانِ پاکاں کرگئے

دین کی خدمات کا اللہ نے بخشا شرف   جو بھی خدمت ہوسکی تاحَدِّاِمْکاں کرگئے^[1]

                                                صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے پیارے اسلامی بھائیو ! یقیناً اللہ والوں کے انداز نرالے ہوتے ہیں ۔ ان کا کسی جگہ جانا بھی حکمت کے طور پر ہوتا ہے اور کسی کے کام کو آزمانا بھی باعثِ برکت ہوتا ہے۔ اعلیٰ حضرت  رَحْمَۃُ اللّٰہ ِ عَلَیْہ  کی عادتِ مبارکہ نہ تھی کہ آپ گلی کُوچوں  میں لگے تماشوں کو دیکھتے ، آپ دین ِ متین کی خدمت میں اس قدر مصروف رہتے کہ فتاویٰ لکھنے کے لیے آپ کے پاس وقت نہیں تھا کہ اس کثرت سے آپ کے پاس فتاویٰ آتے کہ آپ چار چار افراد بٹھا کر فتویٰ لکھوایا کرتے تھے ۔ مگراللہ پاک کا ایک ولی اپنے کشف سے جان لیتا ہے کہ کس چیز میں کس قدر فائدہ ہے ، آپ نے ایک کافر کو اسلام جیسی نعمت سے سرفراز کرنا تھا ، اسی لیے رُکے اور اسے عاجز کرکے اسلام کے حق اور سَچَّا ہونے کو ماننے پر مجبور کردیا۔

نائبِ غوثُ الوریٰ احمد رضا خاں قادری      دین ِ حق کے رہنما احمد رضا خاں قادری

بول بالا ہے ترا احمد رضا خاں قادری           مرتبہ اعلیٰ ترا  احمد رضا خاں قادری^[2]

صَلُّوا عَلَی الْحَبیب!                  صَلَّی اللّٰہُ عَلٰی مُحَمَّد