دیتے۔ جب صبح کا وقت قریب آتا توعاجزی و انکساری کے ساتھ بارگاہِ الٰہی میں یوں دعا کرتے : میں غفلت کےسمندروں میں ڈُوبارہااور گناہ کےمیدانوں میں چلتا رہا۔ یاالٰہی!یہ تیرا ذلیل ، گنہگار اوربیما ر بندہ تیرے کرم کے دروازے پر حاضر ہے اور تجھ سے پناہ کا طلب گار ہے۔                              (الروض الفائق ، باب  فی النزیہ و ذکر الصالحین ، ص ۲۴۶ ملخصاً)

                                                پیارے پیارے اسلامی بھائیو!آپ نے سنا کہ ہمارے بزرگانِ دِین     رَحْمَۃُ اللّٰہ ِ  عَلَیْہِمْ اَجْمَعِیْن     عبادتِ الٰہی  کا کس قدر شوق وجذبہ رکھتے تھے اور کثرت سے عبادت کرنے کےبعدبھیاللہکریم  کی بارگاہ میں عاجزی و انکساری کرتے ہوئےاس کی قبولیت کی دعائیں کرتے تھے ، *ہمیں بھی اللہپاک کی خوب عبادت کرکے رِضائےالٰہی حاصل کرنے کی کوشش کرنی چاہئے ، *ہمیں بھی  اللہ پاک کی عبادت کر کے قبر کی روشنی کا سامان کرنا چاہئے ، * روز ِمحشر کی گرمی سے بچنے کا سامان کرنا چاہئے ، * میزان میں نیکیوں کے پلڑے کو بھاری کرنے کا کچھ سامان کرنا چاہئے ، *  پُل صراط کو پار کر سکنے کا سامان کرنا چاہئے ، * ہمیں بھی  اللہ پاک کی عبادت کر کے جنّت کے بلند درجات حاصل کرنے کا سامان کرنا چاہیے ۔

یاد رکھئے!اللہپاک نے ہمیں اپنی عبادت کےلئے پیدا کیاہے ، اس مقصد میں کامیابی کیلئے انسان کو اس دنیا میں بہت مختصر سے وقت کیلئے بھیجا گیا ہے ، ہمیں اس وَقفے میں قبر و حشر کے معاملات کیلئے تیاری کرنی ہے ، لہٰذا سمجھدار انسان وہی ہے جواس مختصرسے وقت کو غنیمت جانتے ہوئے قبروحشر کی تیاری میں مشغول ہوجائے اور لمحہ بھر بھی اپنا قیمتی وقت فضول کاموں میں برباد نہ کرے ، کیونکہ کسی کو نہیں معلوم کہ آئندہ لمحے وہ زندہ بھی رہے گا یا موت اسے ہمیشہ کیلئے گہری نیندسُلادے گی۔