کرتی کیونکہ جس سے مَحَبَّت ہوتی ہے اُسے رَنجیدہ نہیں  کیاجاتا، مگر آہ!آج کی اکثر مسلمان خواتین عشقِ رسول کا دعویٰ تو کرتی ہیں، مگر اُن کے کام محبوبِ کریم صَلَّی اللّٰہُ عَلَیْہِ واٰلِہٖ وَسَلَّمَ کو  خوش کرنے والے نہیں،وہ نماز سےجی چُرا کر، نماز جان بوجھ کرقضا کر کے سرکارِ مدینہ صَلَّی اللّٰہُ عَلَیْہِ واٰلِہٖ وَسَلَّمَ کے نورانی دل کے لئے تکلیف کا سبب بنتی ہیں۔یہ کون سی مَحَبَّت  اور کیسا عشق ہے کہ رسولِ پاک صَلَّی اللّٰہُ عَلَیْہِ واٰلِہٖ وَسَلَّمَماہِ رَمضان کے روزوں  کی تاکید فرمائیں  مگر رسولِ کریم صَلَّی اللّٰہُ عَلَیْہِ وَاٰلہٖ وَسَلَّم سے محبت کرنے والیاں اِس حکم سے منہ موڑ کر فرض روزے چھوڑ دیں۔ حضورِ اکرم صَلَّی اللّٰہُ عَلَیْہِ واٰلِہٖ وَسَلَّمَنمازِ تراویح کی تاکید فرمائیں  مگر سستی وغفلت کرنے والیوں سے نہ پڑھی جائے۔

آئیے!مل کر نِیَّت کرتی ہیں کہ آج سے ہماری کوئی نماز قضا نہیں ہوگی اِنْ شَآءَاللہ۔ ماہِ رَمَضان کا کوئی روزہ قضا نہیں ہونے دیں گی اِنْ شَآءَاللہ۔زکوٰۃ فرض ہوئی تو پوری ادا کریں گی اِنْ شَآءَاللہ۔ حج (Hajj)فرض ہوا تو ادائیگی میں تاخیر نہیں کریں گی، اِنْ شَآءَ اللہ۔ناجائز فیشن کے قریب بھی نہیں جائیں گی اِنْ شَآءَ اللہ۔نامحرموں سے شرعی پردہ کریں گی اِنْ شَآءَ اللہ۔فلمیں ڈرامے نہیں دیکھیں گی اِنْ شَآءَ اللہ۔گانے باجے نہیں سُنیں گی اِنْ شَآءَاللہ۔والدین کا دل نہیں دکھائیں گی اِنْ شَآءَ اللہ۔اللہ پاک اور بندوں کے حقوق کے معاملے میں غفلت نہیں کریں گی اِنْ شَآءَاللہ۔ اور یہ سوچ پانے کے لئے عاشقانِ رسول کی مدنی تحریک دعوتِ اسلامی  کے مدنی ماحول سے وابستہ رہیں گی ،اِنْ شَآءَ اللہ۔

صَلُّوْا عَلَی الْحَبِیْب!                                           صَلَّی اللّٰہُ عَلٰی مُحَمَّد

      پیاری پیاری اسلامی بہنو!  کائنات بہت بڑی ہے یہ سبھی کو پتا ہے،مگر اس کی ایک حد تو ضرور ہے،زمین بہت کشادہ ہے یہ سبھی کو پتا ہے مگر اس کی ایک حد تو ضرور ہے،سمندر بہت بڑا ہے یہ سبھی کو پتا ہے مگر اس کے کنارے اور گہرائی (Depth) کی ایک حد تو ضرور ہے،ستاروں کی تعداد بہت زیادہ ہے، یہ