تیری سُنّتوں پہ چل کر ،مری رُوح جب نکل کر

چلے تُو گلے لگانا مدنی مدینے والے

ملے سُنّتوں کا جذبہ مِرے بھائی چھوڑیں مولیٰ

سبھی داڑھیاں منڈانا مدنی مدینے والے

مری آنیوالی نسلیں ترے عشق ہی میں مچلیں

اُنہیں نیک تُو بنانا مدنی مدینے والے

(وسائل بخشش مرمم،ص۴۲۸۔۴۲۹)

صَلُّوْا عَلَی الْحَبِیْب!                                    صَلَّی اللّٰہُ عَلٰی مُحَمَّد

احادیثِ کریمہ اور شانِ عثمانِ غنی

       پىارے پىارے اسلامى بھائىو!اتباعِ رسول کی بڑی برکتیں ہیں، کاش! حضرت عثمانِ غنی رَضِیَ اللہُ عَنْہ  کے صدقے  ہم بھی کامل اتباعِ رسول کرنےو الے بن جائیں۔

       پىارے پىارے اسلامى بھائىو!عُموماً دیکھا جاتا ہے کہ ایک غلام تو اپنے آقا کی عنایتوں اور اس کے لُطف وکرم کے سبب اس کی تعریف کرتا رہتاہے۔ لیکن کمال یہ ہے کہ جب آقا بھی  اپنے غُلام کی خُوبیوں پر اس کی تعریف کرے، حضرت سَیّدُنا عثمانِ غنی رَضِیَ اللہُ عَنْہُ کا شُمار بھی ان خُوش نصیب صحابۂ کرام عَلَیْہِمُ الرِّضْوَان میں ہوتا ہے کہ جن کے حق میں حُضُورصَلَّی اللہُ عَلَیْہِ وَاٰلِہٖ وَسَلَّمَ کے لَبہائےمبارکہ نے کئی بار جُنْبِشْ فرمائی ،کبھی  آپ رَضِیَ اللہُ عَنْہُ کو دربارِ رسالت سے  جَنَّت کامُژدہ عطاہوا، تو کبھی آپ کومیٹھےمُصْطَفٰے، شہنشاہِ دَوسَرا صَلَّی اللہُ عَلَیْہِ وَاٰلِہٖ وَسَلَّمَ نےاپناجَنَّتی رفیق قَراردیا،کبھی آپ کو