اور اپنے گھر والوں  پر بھی اِنْفِرادی کوشِش کرتے ہوئے اُنہیں بھی نمازی بنانے کی کوششوں میں مصروف ہیں۔

سَنور جائے گی آخِرت اِنْ شَآءَ اللہ                          تم اپنائے رکھو سَدا مَدَنی ماحول

تمہیں لُطْف آجائے گا زندگی کا                               قریب آکے دیکھو ذرا مَدَنی ماحول

(وسائلِ بخشش مرمم،ص۶۴۶)

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمّد

سیدناعثمانِ غنی رَضِیَ اللہُ عَنْہ کی کرامت

پىارے پىارے اسلامى بھائىو!ہم اَمِیْرُالمؤمنین حَضرتِ سَیِّدُنا عثمانِ غنی رَضِیَ اللہُ عَنْہ  کی سیرت و کردار سے متعلق سُن رہے تھے، آپ رَضِیَ اللہُ عَنْہ  کی ذاتِ مبارکہ سے وقتاً فوقتاً ایسی کئی کرامتوں کا ظہور ہوا جنہیں سُن کر عقلیں دنگ رہ جاتی ہیں، آئیے ہم بھی ایک کرامت سنتے ہیں:

ایک دفعہ ایک شخص نے راستے میں  کسی عو رت کو غَلَط نگاہوں سے دیکھا،پھر جب وہ اَمِیر ُ الْمُؤمِنْین حضرت سیِّدُ نا عثمانِ غَنیرَضِیَ اللہُ عَنْہ کی خد متِ باعَظَمت  میں حاضِر ہو ا تو حضر تِ اَمِیر ُالْمُؤمنین رَضِیَ اللہُ عَنْہنے نہا یت ہی پُر جَلال لہجے میں فر مایا: تم لو گ ایسی حالت میں میرے سامنے آتے ہو کہ تمہاری آنکھوں میں بَدْ کاری کے اَثرات ہوتے ہیں!اُس شخص نے کہا: کیا رَسُولُاللہ صَلَّی اللہُ عَلَیْہِ وَاٰلِہٖ وَسَلَّمکے بعداب آپ  پر وَحْی اُتر نے لگی ہے ؟ آپ  کو یہ کیسے معلوم ہو گیا کہ میری آنکھو ں میں بَد کاری کے اثرات ہیں ؟ارشادفرمایا:’’مجھ پروحی تو نازِل نہیں ہو تی لیکن میں نے جو کچھ کہا بالکل سچی بات ہے۔ربِِّ کریم نےمجھے ایسی فِراست(نورانی بصیرت)عنایت فر مائی ہے، جس سے میں لوگوں کے دِلوں کے حالات و خیا لات جان لیتا ہوں۔ (طبقات الشافعیہ الکبرٰی للسبکی ،۲/۳۲۷ ملخصاً)