عبادت میں لگتا نہیں دل ہمارا                                          ہیں عصیاں میں بدمست ہم یاالہی

مجھے دے دے ایمان پر استقامت                                 پئے سیدِ مُحْتَشَم یاالہی

(وسائلِ بخشش مُرَمَّم،ص۱۰۹۔۱۱۰)

صَلُّوْا عَلَی الْحَبِیْب!                                             صَلَّی اللّٰہُ عَلٰی مُحَمّد

پیاری  پیاری اسلامی بہنو! ماہِ ذُوالْحِجّۃِ الْحَرام اپنی بہاریں لُٹا رہا ہے،اس  کی آمد ہوتے ہی سُنَّتِ ابراہیمی کی یادیں تازہ ہوجاتی ہیں،ہر سال لاکھوں لاکھ مُسلمان اس ماہِ مُقدَّس میں اللہ پاک کے حکم کی بجاآوری،سُنتِ ابراہیمی اور سُنَّتِ مُصْطَفٰے  کی ادائیگی کے لئے کمر بستہ دِکھائی دیتے ہیں۔لہٰذا جو قربانی کرنے کی طاقت رکھتی  ہو اسے چاہیے کہ وہ رِضائے اِلٰہی کے حُصُول اور سُنَّتِ ابراہیمی کی اَدائیگی کی نِیَّت سے اس مہینے میں مالِ حلال سے قُربانی کا فریضہ سَراَنْجام دے،کیونکہ یہ بہت بڑی سعادت کی بات ہے،چنانچہ

پارہ30 سورۃ الکوثر کی آیت نمبر2 میں ارشادِ باری ہے:

فَصَلِّ لِرَبِّكَ وَ انْحَرْؕ(۲) (پ۳۰،الکوثر،۲)                                                  تَرْجَمَۂ کنز الایمان:تو تم اپنے ربّ کے لئے نماز پڑھو اور قربانی کرو۔

مشہور مفسرِ قرآن امام فخرُ الدین رازی رَحْمَۃُ اللّٰہ عَلَیْہ اس آیتِ مُبارکہ کے تحت فرماتے ہیں:حنفی علمائے کرام نے اس آیت سے یہ اِسْتِدلال فرمایا کہ قُربانی واجب ہے ۔(تفسیر کبیر،۱۱/۳۱۸)

پیاری  پیاری اسلامی بہنو! اَحادیثِ مُبارکہ قربانی کے فَضائل ومَسائل سے مالا مال ہیں۔ آئیے!قُربانی کے فضائل پر مُشتمل چار(4)فرامینِ مُصْطَفٰے صَلَّی اللہُ عَلَیْہِ وَاٰلِہٖ وَسَلَّم سنتی ہیں ،چنانچہ