عن اقتراف الکبائر، الباب الثانی، الکبیرۃ الثانیۃ والخمسون بعد المأتین: النمیمۃ، ۲/۴۶)

چغل خوری کی تباہ کاریاں

پیاری پیاری اسلامی بہنو!افسوس صد افسوس!آج ہمارے معاشرےمیں یہ مرض تیزی کے ساتھ عام  ہوتا جارہا ہے۔پہلے کے لوگوں میں احترامِ مسلم کا جذبہ کوٹ کوٹ کر بھرا ہوا تھا اور ہر ایک دوسرے  کی عزت کی حفاظت کرتا تھا مگر آہ! اب ہر طرف نفرتوں کی دیواریں قائم ہوچکی ہیں۔چغلی کی اس تباہ کن بیماری کےسبب اب گھر گھر میدانِ جنگ بنا ہواہے،چنانچہ کَل تک جو ایک دوسرے پر جان نچھاور کرنے  کےدعوے کیا کرتی تھیں،جو ایک دوسرے کی عزّت کی حفاظت کرنے والی تھیں، جن کی دوستی اور اُن کے اِتِّفاق  واِتِّحاد کی مثالیں دی جاتی تھیں، جنہیں ایک دوسرے کے خلاف ایک لفظ سُننا بھی گوارا نہ تھا جو بُرے وَقْت میں ایک دوسرے کے کام آتی تھیں،جو ایک دوسرے کو نیکی کے کاموں کی ترغیبیں دِلایا کرتی تھیں،چغل خوری جیسے مَنحوس شیطانی کام کی نَحوست کے سبب اُن کے درمیان نفرتوں کی ایسی مضبوط دیواریں قائم ہوجاتی ہیں کہ پھر وہ ایک دوسرے کو دیکھنا بھی گوارا نہیں کرتی۔یوں سمجھئے کہ جس طرح آگ(Fire) گھروں،فیکٹریوں،کمپنیوں،گوداموں،جنگلات،گاؤں دیہات اور مختلف چیزوں کو گھنٹوں بلکہ مِنٹوں میں جَلا کر تباہ و بربادکرڈالتی ہے،اِسی طرح نسلوں،قوموں، گھروں،خاندانوں،اداروں ، تنظیموں اور تحریکوں کا اَمن خراب کرنے اور دلوں میں نفرتوں کا بیج بونے میں اکثر چغل خوری ہی کی تباہ کاریاں نظر آتی ہیں۔

آئیے!عبرت کے لئے3 فرامینِ مُصْطَفٰےصَلَّی اللّٰہُ عَلَیْہِ واٰلِہٖ وَسَلَّمَ ملاحظہ کیجئے:

چغلی کےمتعلق 3فرامینِ مُصطفےٰ صَلَّی اللّٰہُ عَلَیْہِ واٰلِہٖ وَسَلَّمَ