Book Name:Lalach Ka Anjaam
(فردوس الاخبار ،باب الیاء، ۲ / ۴۷۱،حدیث: ۸۲۱۰)
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
پیارے پیارے اسلامی بھائیو!آئیے!اللہ پاک کی رضا پانے اورثواب کمانے کے لئے پہلے اَچّھی اَچّھی نیّتیں کر لیتے ہیں۔فَرمانِ مُصْطَفٰے صَلَّی اللّٰہُ عَلَیْہِ واٰلِہٖ وَسَلَّمَ ’’نِیَّۃُ الْمُؤمِنِ خَیْرٌ مِّنْ عَمَلِہٖ‘‘ مُسَلمان کی نِیَّت اُس کے عمل سے بہتر ہے۔ ([1])
مَدَنی پھول:بیان میں جِتنی اَچّھی نیّتیں زِیادہ،اُتنا ثواب بھی زِیادہ۔
٭نگاہیں نیچی کئے خُوب کان لگا کر بَیان سُنُوں گا۔٭ٹیک لگا کر بیٹھنے کے بجائے عِلْمِ دِیْن کی تَعْظِیم کے لیے جب تک ہو سکا دو زانو بیٹھوں گا ۔٭صَلُّوْا عَلَی الْحَبِیْبِ،اُذْکُرُوااللّٰـہَ،تُوبُوْا اِلَی اللّٰـہِ وغیرہ سُن کر ثواب کمانے اور صدا لگانے والوں کی دل جُوئی کےلئے بُلند آواز سے جواب دوں گا۔٭اجتماع کے بعد خُود آگے بڑھ کر سَلَام و مُصَافَحَہ اور اِنْفِرادی کوشش کروں گا ۔
صَلُّوْا عَلَی الْحَبِیْب! صَلَّی اللّٰہُ تَعَالٰی عَلٰی مُحَمّد
پیارے پیارےاسلامی بھائیو!حِرْص ولالچ بُری عادات میں سے ایک ہے، حِرْص و لالچ رکھنے والاانسان نفس کا غلام بن کر ہمیشہ اِدھر اُدھر بھٹکتا رہتا ہےجبکہ قناعت کرنے والے کو اللہ پاک کا شکر بجا لانے کی توفیق ملتی ہے۔لالچی آدمی کی کوئی خواہش پوری نہ ہوتو وہ شکوہ شکایت پر اُتر آتا ہے جبکہ قناعت انسان کی بُلند ہمتی، اعلیٰ سوچ، بُزرگی،تقویٰ اور صبرکی نشانی بنتا ہے۔خواہشات کی پیروی انسان کو حِرْص وکنجوسی کی آفت میں مُبْتَلا کرکے راہِ خدا میں خرچ کرنےسے دُوری کا سبب بنتی