سے ہمارے آقا، مدینے والے مصطفےٰ صَلَّی اللّٰہُ عَلَیْہِ واٰلِہٖ وَسَلَّمَ وہاں تشریف لے گئےاب تک  جدا ئی ہی  نہیں ہوئی ہے ، ہمارے آقا وہیں جلوہ فرما ہیں  ۔ حضرت ِ علّامہ مَولانا محمد الیاس عطّار قادِری  رَضَوِی ضِیائی دَامَتْ بَرَکَاتُہُمُ الْعَالِیَہکیا ہی خوب فرماتے ہیں:

عَرشِ عُلیٰ سے اعلیٰ میٹھے نبی کا روضہ                          ہے ہر مکاں سے بالا میٹھے نبی کا روضہ

فردوس کی بلندی بھی چھو سکے نہ اس کو                    خلدِ بریں سے اونچا میٹھے نبی کا روضہ

کعبے کی عظمتوں کا منکر نہیں ہوں لیکن                     کعبے کا بھی ہے کعبہ میٹھے نبی کا روضہ

مکے سے اس لئے بھی افضل ہوا مدینہ                     حصے میں اس کے آیا میٹھے نبی کا روضہ

جس وقت روح تن سے عطار کی جدا ہو                     ہو سامنے خدایا میٹھے نبی کا روضہ

(وسائلِ بخشش مرمّم، ۳۲۰، ۳۲۱)

صَلُّو ْا عَلَی الْحَبِیْب!                                  صَلَّی اللہُ عَلٰی مُحَمَّد

عظمتِ مدینہ پر احادیثِ مبارکہ

پىاری پىاری اسلامى بہنو!ابھی ہم نے سنا کہ مَدِیْنَۂ مُنَوَّرَہ وہ مبارک شہر ہے،جسے ہمارے  پیارے آقا،میٹھے میٹھے مصطفےٰ صَلَّی اللہُ عَلَیْہِ وَاٰلِہٖ وَسَلَّمنےشَر فِ قیام بخشا،آپ صَلَّی اللّٰہُ عَلَیْہِ واٰلِہٖ وَسَلَّمَ کے قدموں کی برکت سے اس شہر کے وارے ہی نیارے ہو گئے،  آپ عَلَیْہِ الصَّلٰوۃُ وَالسَّلَام کے قدموں کی برکت سے شہرِ مدینہ نے وہ عظمت پائی  کہ اب اس شہر میں رہنا عافیت کی علامت اور اس میں مرنا شفاعت کی ضمانت قرار پایا، آئیے!حاضری ِمدینہ کاشوق اورتڑپ بڑھانے  اوردل میں  مَحَبَّتِ مدینہ میں اِضافے کی نیّت  سے عظمتِ مدینہ  سے مُتَعَلِّق3 فرامینِ مصطفےٰسنتی ہیں :

1۔   ارشاد فرمایا:مدینے میں داخل ہونے کے تمام راستوں پرفِرِشتے ہیں،اس میں طاعُون اور دَجَّال