ہوجائے،جی بھرکرمذاق اُڑایا جائے،طرح طرح  سے دل دکھایا جائے، ڈرایا جائے،دھمکیاں دی جائیں،حتّٰی کہ مارا پیٹاجائے تو ایسے مواقع پردل برداشتہ ہوکر مَعَاذَاللہ فرائض  و واجبات،سُنّتوں،مدنی ماحول اور مدنی کاموں سے منہ موڑکر دوبارہ وہی گناہوں بھری بدبودار گندی زندگی کی دلدل میں غرق ہونا ہرگز عقلمندی نہیں بلکہ سراسر  تباہی  وبربادی اور آزمائشوں پر صبرنہ  کرنےکے سبب عظیمُ الشَّان ثواب سے محرومی کا باعث ہے۔ہمیں چاہئےکہ آزمائشوں،پریشانیوں، آفتوں،غموں پرصبرکرکےصحابَۂ کرام عَلَیْہِمُ الرِّضْوَان کی مصیبتوں اور پریشانیوں کویاد کریں اور صبرکے نتیجے میں ملنے والی خوش خبریوں کو پیشِ نظر رکھیں۔صبر کرنے والوں کےمتعلق پارہ 4 سورۂ اٰل عمران کیآیت نمبر146میں ارشادہوتاہے:

وَ اللّٰهُ یُحِبُّ الصّٰبِرِیْنَ(۱۴۶) (پ۴،اٰل عمران: ۱۴۶)                                                      تَرْجَمَۂ کنز الایمان:اورصبروالےاللہکومحبوب ہیں۔

       اسی طرح  پارہ  10سُوْرَۃُ الْاَنْفال کی آیت نمبر 46میں ارشاد ہوتا ہے:

وَ اصْبِرُوْاؕ-اِنَّ اللّٰهَ مَعَ الصّٰبِرِیْنَۚ(۴۶) (پ ۱۰،انفال : ۴۶)                                                      تَرْجَمَۂ کنز الایمان:اورصبرکروبے شکاللہصبروالوں کے ساتھ ہے۔ 

      پیارے پیارے اسلامی بھائیو!بیان کردہ ان آیاتِ مبارکہ سےمعلوم ہواکہ صبر کرنےوالےربِّ کریم کےمحبوب اورپسندیدہ بن جاتےہیں،صبرکرنےوالوں  کی  ربِّ کریم  مدد فرماتا ہے،لہٰذا کبھی  بھی صبرکا دامن ہاتھ سے نہیں چھوڑنا  چاہئے،صبر کا معنی ہے نفس کو اس چیز سے باز رکھنا، جس سے رکنے کا عقل اور شریعت تقاضاکر رہی ہو۔ (المفردات  للراغب، باب الصاد، ص۲۷۳)