بن گئے۔اَلْحَمْدُ لِلّٰہ فلمیں  ڈرامے،گانے باجے، بدنگاہی وغیرہ گناہوں  کو چھوڑ چکے اور اپنے گھر والوں  پر بھی اِنْفِرادی کوشِش کرتے ہوئے اُنہیں بھی نمازی بنانے کی کوششوں میں مصروف ہیں۔

سَنور جائے گی آخِرت اِنْ شَآءَ اللہ                          تم اپنائے رکھو سَدا مَدَنی ماحول

تمہیں لُطْف آجائے گا زندگی کا                               قریب آکے دیکھو ذرا مَدَنی ماحول

تمہیں لُطْف آجائے گا زندگی کا                               قریب آکے دیکھو ذرا مَدَنی ماحول

(وسائلِ بخشش مرمم،ص۶۴۶تا۶۴۸)

صَلُّوْا عَلَی الْحَبِیْب!                                   صَلَّی اللّٰہُ عَلٰی مُحَمّد

اے عاشقانِ صحابہ واَہلِ بَیْت!ہم شہیدِغزوہ ٔ اُحُدکی قربانیوں کے بارے میں سُن رہے تھے۔دیگرصحابَۂ کرام عَلَیْہِمُ الرِّضْوَان نےبھی اِس غزوے میں قُربانیاں دِیں ہیں،یادرکھئے! شہدائے  اُحداللہ کریم کے وہ مقرب بندے اوررسولِ بے مثال،بی بی آمنہ کے لال  صَلَّی اللّٰہُ عَلَیْہِ واٰلِہٖ وَسَلَّمَ کے وہ حقیقی جاں نثار صحابہ ہیں، جنہوں نے دینِ اسلام کی خاطر نہ صرف اپنی قیمتی جانوں کا نذرانہ پیش کیا بلکہ اللہ پاک کی رِضا پانے اور ثوابِ آخرت کمانے کے لئے اپنا کثیر اور قیمتی مال بھی اسلام کی خاطر راہِ خدا میں پیش کردیا،انہی جگمگاتے ستاروں میں دو روشن تارے صحابیِ رسول حضرتِ سَیِّدُنا مُخَيْرِيق اورحضرتِ سَیِّدُنا ابو دَحْدَاح انصاری بھی ہیں۔آئیے!ترغیب کے لئے ان دونوں حضرات کا راہِ خدا میں خرچ کرنے کاجذبہ ملاحظہ کیجئے،چنانچہ

اسلام میں سب سے پہلا وقف

ایک بہت زیادہ علم رکھنے والے صحابی حضرتِ سَیِّدُنا مُخَيْرِيق رَضِیَ اللہُ عَنْہُ بہت سی  جائیدادوں اور7 باغات کے مالک تھے،آپ نے وَصِیَّت فرمائی تھی کہ اگر میں  شہید ہوجاؤں تو میرا سارا مال نبیِ