Book Name:Sharm-o-Haya Social Media Ka Ghalat Istimal
دینا ہے،یہ مجلس کالجزاور یونیورسٹیز (Universities) کی مدرسات وطالبات سے اچّھی اچّھی نیّتوں کے ساتھ مَراسِم قائم کر کے اِنہیں ہر عیب سے پاک نبی صَلَّی اللّٰہُ عَلَیْہِ واٰلِہٖ وَسَلَّم کی سُنّتوں سے رُوشناس کرواتی ہے، نیزتَعْلیمی اِداروں میں مدنی اِنعامات کاسِلْسِلَہ جاری کرتی اور مدرسۃ المدینہ (بالغات) قائم کرکے ان کی دِیْنی واَخْلَاقی تَربِیَت کی ہرمُمکن کوشش کرتی ہے اللہ پاک دعوتِ اسلامی کی تما م مجالس کو دن گیارہویں رات بارہویں ترقی عطا فرمائے ۔ اٰمِیْن بِجَاہِ النَّبِیِ الْاَمِیْن صَلَّی اللّٰہُ عَلَیْہِ واٰلِہٖ وَسَلَّمَ
صَلُّوْا عَلَی الْحَبِیْب! صَلَّی اللّٰہُ عَلٰی مُحَمَّد
پیاری پیاری اسلامی بہنو!آئیے!شیخِ طریقت،امیرِاہلسنّت دَامَتْ بَرَکاتُہُمُ الْعَالِیَہ کےرسالے’’101 مَدَنی پھول‘‘سےجوتے پہننے کی سنتیں اورآداب سنتی ہیں۔٭جوتےپہننے سےپہلے جھاڑلیجئےتاکہ کیڑا یا کنکر وغیرہ ہوتو نکل جائے٭پہلےسیدھاجوتاپہنئےپھرالٹااوراُتارتےوَقت پہلےاُلٹا جوتا اُتاریئےپھرسیدھا۔ ٭ فرمانِ مصطَفٰے صَلَّی اللّٰہُ عَلَیْہِ واٰلِہٖ وَسَلَّمَ:جب تم میں سےکوئی جوتےپہنے تو دائیں(یعنی سیدھی)جانب سے اِبتدا کرنی چاہیےاورجب اُتارےتوبائیں(یعنی اُلٹی)جانب سےاِبتداکرنی چاہئے تاکہ دایاں(یعنی سیدھا)پاؤں پہننے میں اوّل اور اُتارنےمیں آخِری رہے۔ (بُخاری، ۴/۶۵، حدیث: ۵۸۵۵) ٭عورت زَنانہ جوتااستعمال کرے٭کسی نےحضرت سیِّدتُنا عائشہ صِدِّیقہ رَضِیَ اللّٰہُ عَنْہاسےکہا:ایک عورت(مردوں کی طرح) جوتےپہنتی ہے،انہوں نےفرمایا:(ہم گناہ گاروں کى شفاعت فرمانے والے )آقا صَلَّی اللّٰہُ عَلَیْہِ واٰلِہٖ وَسَلَّمَ نےمردانی (مَردوں جیسی صورت بنانے والی)عورَتوں پرلعنت فرمائی ہے۔(ابوداود،۴/۸۴ حديث:۴۰۹۹) ٭ صدرُ الشَّریعہ،بدرُالطَّریقہ حضرت علامہ مولانا مفتی محمدامجدعلی