پیاری پیاری اسلامی بہنو! آپ نے سُنا کہ اللہ والوں کاعالَمِ جوانی میں بھی عبادات  بجالانے اور بے حَیائی سے بچنے کا کس قدر پختہ مَدَنیذِہْن بنا  ہوا تھا کہ جوانی میں بھی  اکثراوقا ت عبادتِ الٰہی اور والدین کی خدمت میں گزارتے تھے،یہ حضرات  شیطانی چالوں سے ہردَم  ہوشیار رہتے تھے،اسی وجہ سے گُناہ پر قُدرت کے باوُجودبھی اپنی نگاہوں کی حفاظت کر تے اوراپناپاک  دامن بے حیائی والے کاموں سے داغدار ہونے سےبچایا کرتےتھے۔ یادرکھئے!شیطان مسلمان کا کھلا دشمن ہے، اس کی پوری کوشش ہوتی ہے کہ کسی طرح مسلمانوں کونیک لوگوں کے راستے سے ہٹا کر بُرائیوں کے راستے پر لگا دے تاکہ معاشرے سے حیا کا وجود مٹ جائے اوربے شرمی وبے حیائی  زیادہ سے زیادہ عام ہوتی چلی جائے۔ لہٰذا  

8مدنی کاموں میں سے ایک مدنی کام ” مدنی دورہ“

عاشقانِ رسول کی مَدَنی تحریک دعوتِ اسلامی کے مَدَنی ماحول سے وابستہ  ہوکرسنتوں کا درد رکھنے والی اسلامی بہنوں کی صحبت میں آجائیے،ان کے ساتھ اپنا وقت گزارئیے اور ان کے ساتھ مِل جُل کر 8مَدَنی کاموں کو مزید عام کرنے میں دعوتِ اسلامی کا ساتھ دیجئے۔ذیلی حلقے کے8مدنی کاموں میں سے ایک مدنی کام”مدنی دورہ“بھی ہے۔جس کے  ذریعے اسلامی بہنوں کو گھر  گھر جا کر نیکی کی دعوت دی جاتی ہے۔ہفتے کا کوئی ایک دن مقرَّر کر کے جگہ بدل بدل کر''مدنی دَورہ‘‘کے ذریعے نیکی کی دعوت کی سعادت حاصِل کیجئے۔ کم از کم7 اسلامی بہنیں( جن میں کم از کم ایک بڑی عمر والی ضَرور ہوں) اپنے ذیلی حلقے یا حلقے کے اَطراف میں (پردے کی احتیاط کے ساتھ) گھر گھر جاکر 1 گھنٹہ 12 منٹ "مدنی دورہ"کی ترکیب بنائیں۔نیکی کی دعوت دینا تو ایسااہم فریضہ ہے کہ تمام ہی  انبیائےکرام  عَلَیْہِمُ السَّلَام بلکہ مومنین پر رحم وکرم فرمانے والے آقا