Book Name:Imdaad-e-Mustafa Kay Waqeaat
ڪٿي اِستقبالِ مُصطَفٰي جو بيان آهي۔ ڄڻ ته ذرو ذرو ميلادِ مُصطَفٰي جي برڪتن مان پنهنجو حصو ماڻي رهيو آهي۔
اچو! انهيء مناسبت سان اڄ اسان به ”اِمدادِ مُصطَفٰي جي واقعن“ تي مُشتَمِل بيان ٻڌڻ جي سعادت حاصل ڪريون ٿا۔ صحابَه ڪرام ۽ ٻيا بزرگ سڳورا رِضْوَانُ الله عَلَيهمْ اَجْمَعِين مشڪل حالتن ۾ ڪهڙي طرح رسولِ خدا، شاھ ارض و سما صَلَّى اللهُ تَعَالٰى عَلَيْهِ وَاٰلِهٖ وَسَلَّم کان فرياد ڪن ٿا ۽ اِمدادِ مُصطَفٰي سان خالي جھوليون ڪيئن ڀرين ٿا، اهو به ٻڌنداسين۔ اسان جا آقا، مڪي مدني مُصطَفٰي صَلَّى اللهُ تَعَالٰى عَلَيْهِ وَاٰلِهٖ وَسَلَّم ڪيئن پنهنجي اُمّتين جي مدد ڪن ٿا اهو به ٻڌنداسين۔ اهڙي طرح پيارا آقا، مڪي مدني مُصطَفٰي عَلَيه الصَّلٰوة وَالسَّلَام جانورن جي به فرياد ٻڌندا هئا ۽ مدد ڪندا هئا، ان بابت به ڪجھ واقعا ٻڌنداسين۔ ان جي علاوه ٻيا به ڪيئي طرح جا مدني گل ٻڌڻ جي سعادت حاصل ڪنداسين۔ الله ڪري ته دِلجمعي سان اسان شروع کان آخر تائين سٺين سٺين نيتن سان بيان ٻڌڻ جي سعادت حاصل ڪريون۔
اٰمِين بِجَاه النَّبِي الْاَمِين صَلَّى اللّٰهُ عَلَيۡهِ واٰلِهٖ وَسَلَّمَ
صَلُّوْا عَلَي الْحَبِيب! صَلَّي اللّٰه تَعَالٰي عَلٰي مُحَمَّد
دعوتِ اسلامي جي اشاعتي اداري مڪتبة المدينه جي ڪتاب ”فيضانِ صديقِ اڪبر“ جي صفحي 384 تي آهي: اميرالمؤمنين حضرت سَيدُنا ابوبڪر صديق رَضِىَ اللهُ تَعَالٰی عَـنْهُ حضرت سَيدُنا عِڪرِمه رَضِىَ اللهُ تَعَالٰی عَـنْهُ کي مُسَيلِمَه ڪذَّاب جي سر قلم ڪرڻ جي لاءِ روانو فرمايو ۽ پوءِ حضرت سَيدُنا شُرَحۡبِيل رَضِىَ اللهُ تَعَالٰی عَـنْهُ کي ان جي مدد جي لاءِ موڪليو، پر انهن ٻنهي جي اڳيان ان بدبخت هٿيار ڦٽا نه ڪيا، ڇوته حُضورِ اڪرم، نُورِ مجسَّم صَلَّى اللهُ تَعَالٰى عَلَيْهِ وَاٰلِهٖ وَسَلَّم جي دنيا مان تشريف کڻي وڃڻ کان بعد مُسَيلِمَه ڪذَّاب جو ڪاروبار چمڪي پيو هو ۽ تقريبًا هڪ لک (100000) کان وڌيڪ ماڻهو ان جي چوڌاري گڏ ٿي ويا هئا، حضرت سَيدُنا عِڪرِمه ۽ حضرت سَيدُنا شُرَحبِيل رَضِىَ اللهُ تَعَالٰی عَـنْهُمَا کان به ان جي خُوب لڙائي ٿي،