میں نے آپ کا یہ جواب سنا ،تب سے ہی میں اپنی شب بیداری پر آپ رَحْمَۃُ اللّٰہ ِتَعَالٰی عَلَیْہ کی شب بیداری کو ترجیح دیتا ہوں۔( مناقب الامام الاعظم للکردری، ۲/۱۵۹)

میٹھی میٹھی اسلامی بہنو! بیان کردہ حکایت سےہمیں کئی مدنی پھول حاصل ہوئے،مثلاً اللہ والوں کا لمحہ لمحہ عبادت  وریاضت میں بسر ہوتا ہے،اللہ   والے   اپنے قیمتی اوقات کی قدر کرتے ہوئے انہیں فضولیات میں ضائع نہیں کرتے،اللہ والے قرآنِ کریم کی آیاتِ مقدسہ میں غور و فکرکے سمندر میں غوطہ زَن رہتے ہیں،اللہ والوں کا حافظہ بہت ہی مضبوط Strong))ہوتا ہے،اللہ والوں کے دلوں میں اُمّت کی خیر خواہی کا حقیقی جذبہ موجود ہوتا ہے، اللہ  والے علم سے محبت کرنے والے اور اس کو پھیلانے والے ہوتے ہیں جیسا کہ کروڑوں حنفیوں کے عظیم پیشواحضرت سَیِّدُنا امامِ اعظم ابوحنیفہ رَحْمَۃُ اللّٰہ ِتَعَالٰی عَلَیْہ  کے شاگردِ رشید امام محمد رَحْمَۃُ اللّٰہ ِتَعَالٰی عَلَیْہ   کے بارے میں ہم نے سنا کہ آپ نے اپنی یادداشت کی بنیاد پر صرف  ایک  رات میں قرآنِ کریم میں غور و فکر کرکے ایک دو نہیں بلکہ ہزارمسائلِ شرعیہ نکال لئے۔اے کاش! عبادت و ریاضت،وقت کی قدر  واہمیت،قرآنِ کریم میں غور و فکر،اُمت محمدیہ کی خیر خواہی اور اشاعتِ علمِ دِین کی یہ عظیم نعمت اللہ کریم ہمیں بھی عطا فرمائے اور ہمیں بھی علمِ  دین سیکھ کر اس پر عمل کرنے اوراسے دوسروں تک پہنچانے  کی سعادت نصیب فرمائے۔اٰمِیْن بِجَاہِ النَّبِیِ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                                             صَلَّی اللّٰہُ تَعَالٰی عَلٰی مُحَمَّد

میٹھی میٹھی اسلامی بہنو! عِلْمِ دِین کے حصول کیلئے ہمیں بھی  اپنا ذہن بنانا چاہئے کیونکہ جب تک انسان کسی کام کے لئے ذہنی طور پر تیار نہ ہو ،وہ کام کتنا ہی آسان  کیوں نہ ہو،مشکل لگتا ہے،مگر جب اُس کا م کو کرنےکا بختہ  ذہن بنالیا جائے  اور اس کیلئے کوشش بھی کی جائے  تو مشکل سے مشکل کام بھی