تیری نسلِ پاک میں ہے بچہ بچہ نور کا

تُو ہے عینِ نور تیرا سب گھرانہ نور کا

(حدائقِ بخشش،ص:۲۴۶)

صَلُّو ْا عَلَی الْحَبِیْب!                              صَلَّی اللہُ تَعَالٰی عَلٰی مُحَمَّد

          میٹھے میٹھے اسلامی بھائیو!یقیناً حَضْرت سَیِّدُناامام حَسَن اور حَضْرت سَیِّدُنا امام حُسَین رَضِیَ اللہُ تَعَالٰی عَنْہُمَا کرم وشفقت کے باغ کے مہکتے پھول ہیں،یہ دونوں سرکارِ کائنات،فخرِ مَوْجُودات صَلَّی اللہُ تَعَالٰی عَلَیْہِ وَاٰلِہٖ وَسَلَّمکے نواسے ہیں،آقاکریم صَلَّی اللہُ تَعَالٰی عَلَیْہِ وَاٰلِہٖ وَسَلَّم کو ان سے کمال مَحَبَّت تھی،آئیے! اُن کی مَحَبَّت کو پروان چَڑھانے اور اپنے پلّے میں نیکیاں لکھوانے کی نِیَّت سے ان کا ذکرِ خیر سنتے ہیں:

نام وکُنْیَت و اَلقاب:

        ان دونوں شہزادوں میں سے بڑے حضرتِ سَیِّدُنا امام حَسَنرَضِیَ اللہُ تَعَالٰی عَنْہُ ہیں۔ آپ رَضِیَ اللّٰہُ تَعَالٰی عَنْہُ کی کُنْیَت ”ابو محمد“ ہے۔ لقب”تَقِی و سَیِّد“ جبکہ عرف ’’سِبْطُ رَسُولِاللہ صَلَّی اللہُ تَعَالٰی عَلَیْہِ وَاٰلِہٖ وَسَلَّم“اور”سبطِ اکبر“ہے۔آپ کو ”رَیْحَانَۃُالرَّسُوْل“(یعنی رسولِ خدا کے پھول)اور”آخِرُالۡخُلَفَاءِ بِالنَّصِّ“(یعنی حدیثِ پاک کے مطابق آخری خلیفہ)بھی کہتے ہیں۔آپ رَضِیَ اللہُ تَعَالٰی عَنْہُ کی ولادتِ مُبارَکہ 15 رَمَضانُ المُبارَک3 ہجری  کی شَب میں مدینۂ طیبہ میں ہوئی۔ حُضُور سَیِّدِ عالمصَلَّی اللہُ تَعَالٰی عَلَیْہِ وَاٰلِہٖ وَسَلَّم نے ساتویں روز آپ کا عقیقہ کیااور بال جُدا کیے گئے اورحکم دیا کہ بالوں کے وزن کی چاندی صدقہ کی جائے ۔(تاریخُ الْخُلَفَا، بابُ الحسن بن علی بن ابی طالب، ص۱۴۹و روضۃ الشہداء (مترجم)، باب ششم، ۶/۱۳۹) آپ کا نام اِمامُ الانبیاء،سَیِّدُ الاَسْخِیا صَلَّی اللہُ تَعَالٰی عَلَیْہِ وَاٰلِہٖ وَسَلَّم نے ہی ’’حسن ‘‘ رکھا۔ (سوانحِ کربلا،ص۹۲)

        آپ رَضِیَ اللہُ تَعَالٰی عَنْہُ کےچھوٹے بھائی امامِ عالی مقام، حَضْرتِ سَیِّدُنا امامِ حُسَین رَضِیَ اللہُ تَعَالٰی عَنْہُ کی ولادت 5شعبانُ  المعظم  سن 4 ھ کو مدینۂ منورہ میں ہوئی۔ان کا نام بھی حُضُور صَلَّی اللہُ تَعَالٰی عَلَیْہِ وَاٰلِہٖ