اُنہیں اِس قدر لذّت محسوس ہوا کرتی تھی کہ مَوت کے وقت بھی اگر اُنہیں کسی چیز کا افسوس ہوتا تو صِرف اِس بات کا کہ مرنے کے بعد ہمیں گرمی کے روزوں کی سعادت اور   لُطف و سُرور کیسے نصیب ہوگا۔

دوجہاں کی نعمتیں ملتی ہیں روزہ دار کو

جو نہیں رکھتا ہے روزہ وہ بڑا نادان ہے

                                                                                       )وسائلِ بخشش مُرَمّم،ص۷۰۶(

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

      میٹھے میٹھے اسلامی بھائیو!آئیے عبادت کے شوق اور گرمی کے روزوں کے ذوق کے بارے میں اللہ والوں کے چندمزیدواقعات سُنتے ہیں تاکہ ہمارے دل میں بھی اِس کا جذبہ پیدا ہو چُنانچہ

        حضرت سیِّدُنا مُعاذبن جبل رَضِیَ اللہُ تَعَالٰی عَنْہکےوصال کا وقت  جب قریب آیا تو آپ نے اللہ عَزَّ  وَجَلَّ کی بارگاہ میں عرض کی:اے اللہ عَزَّ  وَجَلَّ!میں تجھ سےڈرتا تھا اور آج تجھ سے اُمّیدیں وابستہ کئے ہوئے ہوں۔ اےاللہ عَزَّ  وَجَلَّ!تُوجانتا ہے  کہ میں دُنیا اور اس میں طویل عرصہ رہنے کو نہریں جاری کرنے اور درخت لگانے کےلئےپسند نہیں کرتا تھا بلکہ میں لمبی عمر اس لئے محبوب رکھتا تھا  تاکہ(روزہ رکھ کر)سخت گرمیوں میں پیاس کی شِدّت کو برداشت کروں ،طویل راتوں میں(عبادت کرکے)مشقتیں جھیلتا رہوں اور علمِ دین کی محفلوں میں عُلماء کے سامنے دوزانوں بیٹھوں۔⁽¹⁾

        حضرتِ سیِّدُنا یزید رَقّاشی رَحْمَۃُ اللّٰہ ِتَعَالٰی عَلَیْہ  اپنی مَوت کے وقت رونے لگے تو اُن سے عرض کی گئی:آپ کیوں روتے ہیں؟تو ارشادفرمایا:میں اس وجہ سے روتا ہوں کہ اب مجھے راتوں کے قیام، دن کے روزوں اور ذکر کی مجالس میں حاضری کا موقع نہ ملے گا۔⁽²⁾

                                                حُجَّۃُ الاِسلام حضرت سَیِّدُنا امام محمد غزالی رَحْمَۃُ اللّٰہ ِتَعَالٰی عَلَیْہ ارشاد فرماتے ہیں کہ حضرت سَیِّدُنا

ـــــــــــــــــــــــــــــــــــــــــــــــــــــــــــــــــــــــــــــــ

[1]… احیاء العلوم،۵/۵۷۳

2… حکایتیں اور نصیحتیں،ص۱۳۲