کی بھی بہت زیادہ فضیلت ہے۔

        ہمارے پیارے آقا،مکی مدنی مُصْطَفٰے صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ نے ارشاد فرمایا:جو شخص اىک دِن نَفل روزہ رکھے اگر اُسے زمىن بھر سونا دے دِىا جائے جب بھى اُس کا ثواب پُورا  نہ ہوگا، اُس کا ثواب تو قىامت کے دن ہی ملے گا۔⁽¹⁾

          میٹھے میٹھے اسلامی بھائیو!شیخِ طریقت،امیرِ اہلسنَّت،بانیِ دعوتِ اسلامی، حَضْرتِ علّامہ مَولانا ابُو بلال محمد الیاس عطّار قادرِی رَضَوی ضِیائی دَامَتْ بَـرَکاتُہُمُ الْعَالِیَہ   کوبھی نفل روزوں سے بہت پیار ہے۔ یہی وجہ ہے کہ آپ  دَامَتْ بَـرَکاتُہُمُ الْعَالِیَہ  سال کے ممنوع دنوں کے علاوہ اکثر روزے سے ہوتے ہیں۔ اِس کے علاوہ پُورے ماہِ رَجَب اور دیگر مُقدَّس مہینوں  کے روزے رکھنے کے ساتھ ساتھ ہر پیر شریف کا روزہ رکھنے کی بھی بھر پُور ترغیب دِلاتے ہیں۔آپ  کی ترغیب کی بدولت بہت سے اسلامی بھائی اور اسلامی بہنیںرَجَبُ الْمُرَجَّب کے  پُورے ورنہ اکثر دن روزے رکھنے کی سعادت بھی حاصل کرتے ہیں اور پیر شریف کا روزہ رکھنے والوں کی بھی ایک کثیر تعداد ہے۔

12مدنی کاموں میں سے ایک مدنی کام”یوم تعطیل برائے اِعْتِکاف“

          میٹھے میٹھے اسلامی بھائیو!نیک بننے بنانے،دُنیا و آخرت میں سُرخروئی پانے ،مُعاشرے سے بے حیائی کے سیلاب کو روکنے،موسمِ گرما کی پروا کئے بغیر اِستقامت کے ساتھ رَمَضانُ المُبارَک کے روزے رکھنے نیز نفلی روزوں کا جذبہ بھی اپنے دل میں بیدار کرنے کے لئے دعوت ِ اسلامی کے مدنی ماحول سے وابستہ رہئے اور نیکی کے کاموں میں مزید تَرقّی کے لئے ذیلی حلقے کے 12مدنی کاموں میں بھی بڑھ چڑھ کر حصہ لیجئے۔ذیلی حلقے کے12مدنی کاموں میں سے ایک  مدنی کام”یومِ تَعْطِیْل برائے اِعْتِـکاف“ بھی ہے لہٰذا تمام ا سلامی بھائیوں سے عرض ہے کہ حُصُولِ ثواب کے لئے یومِ تَعْطِیْل

ـــــــــــــــــــــــــــــــــــــــــــــــــــــــــــــــــــــــــــــــ

[1]… مسندابی یعلى ،مسند ابی ھریرۃ،۵/۳۵۳، حدیث: ۶۱۰۴