(۳)آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکے دین کی مدد کرنا:حضور نبیِ اکرم،سراپا جُود و کرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَسے مَحَبَّت کی علامات میں سے یہ بات بھی ہے کہ”اپنے قول وفعل سے آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کے دین کی مدد کرے ،آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی شریعت کا دِفاع کرے اور سخاوت میں آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکی سیرتِ طیبہ کواپنائے،بُردباری ،صبر،تَواضُع وغیرہ میں آپ کی مبارک سِیرت کی پیروی کی جائے۔

 (المواہب اللدنیہ ،۲/۴۹۴)

(۴)مصائب پرصبرکرنا:نبیِ اکرم،رسولِ محتشم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَسے مَحَبَّت کی علامات میں سے یہ بات بھی ہے کہ”مَصائب پر صبر کرے، کیونکہ اس مَحَبَّت سے مُحبّ کو ایسی لذّت حاصل ہوتی ہے کہ وہ مَصائب کو بھُول جاتاہے ۔(المواہب اللدنیہ ،۲/۴۹۵)

سیدی اعلیٰ حضرت  رَحْمَۃُ اللّٰہ ِتَعَالٰی عَلَیْہ  نے کیا خُوب کہا:

کیوں کہوں بیکس ہوں میں کیوں کہوں بے بس ہوں میں

تم ہو میں تم پہ فِدا تم پہ کروڑوں دُردود

(۵)محبوب کا ذکر بکثرت کرے:محبوبِ ربِّ اکرم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے مَحَبَّت کی علامات میں سے یہ بات بھی ہے کہ آپ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکا ذکر بکثرت کرے کیونکہ جو جس سے مَحَبَّت کرتا ہے، اس کا ذِکر زیادہ کرتا ہے، بعض نے کہا:مَحَبَّت ،محبوب کو ہمیشہ یاد رکھنے کا نام ہے، ایک بزرگ فرماتے ہیں کہ”جس قدر سانس ہیں ، ان کے مطابق محبوب کا ذِکر کیا جائے ۔(المواہب اللدنیہ ،۲/۴۹۵،ملتقطاً)

ایک صاحب فرماتے ہیں کہ ”محب کے لیے 3 علامات ہیں :(1)اس کا کلام محبوب کا ذکر ہو (2)خاموشی محبوب کی فکرہو (3)اور عمل اس کی فرمانبرداری ہو۔

امام محاسبی رَحْمَۃُ اللّٰہ ِتَعَالٰی عَلَیْہفرماتے ہیں کہ ”محبّت کرنے والوں کی علامت ،محبوب کا  کثرت سے