Book Name:Islami Behno Ki Namaz

فرمادے گا  ( سُنَنُ التِّرْمِذِی،ج۱ ص۴۳۶حدیث۴۲۸) ۔ علّامہ سیِّد طحطاویعَلَیْہِ رَحْمَۃُ اللہِ القَوِی فرماتے ہیں   :  سِرے سے آگ میں   داخِل ہی نہ ہوگا اور اُس کے گناہ مٹادئیے جائیں   گے اور اس پر  ( بندوں   کی حق تلفیوں   کے) جو مُطالبات ہیں   اللہ تعالیٰ اُس کے فریق کو راضی کردے گا یا یہ مطلب ہے کہ ایسے کاموں   کی توفیق دے گا جن پر سزا نہ ہو۔ (حاشیۃ الطحطاوی علی  الدرالمختار ج۱ص۲۸۴) اور علّامہ شامیقُدِّسَ سرُّہُ السّامی فرماتے ہیں  :  اُس کیلئے بِشارت یہ ہے کہ سعادَت پر اُس کاخاتمہ ہوگا اور دوزخ میں   نہ جائے گا ۔  (رَدُّالْمُحتار،ج ۲ ص۵۴۷)

                  اسلامی بہنو!اَلْحَمدُ لِلّٰہ عَزَّوَجَلَّ جہاں   ظُہْرکی دس رَکْعَت نَماز پڑھ لیتے ہیں   وہاں   آخِر میں   مزید دو رَکْعَت نفل پڑھکر بارھویں   شریف کی نسبت سے12 رَکعَت کرنے میں   دیر ہی کتنی لگتی ہے ! استِقامت کے ساتھ دو نفل پڑھنے کی نیّت فرمالیجئے ۔

 ’’ سیدتُنَا میمونہ  ‘‘ کے بارہ حروف کی نسبت سے نَمازِ وتر کے 12مَدَنی پھول

             {1}  نمازِ وتر واجِب ہے   {2}   اگر یہ چھوٹ جائے تو اس کی قَضا لازِم ہے (عالمگیری ج۱ص۱۱۱)  {3} وِتر کا وَقت عشاء کے فرضوں   کے بعد سے صبحِ صادِق تک ہے {4}  جو سو کر اٹھنے پر قادِر ہو اُس کیلئے افضل ہے کہ پچھلی رات میں   اُٹھ کر پہلے تَہَجُّد ادا کرے پھر وِتر {5}  اِس کی تین رَکعتیں   ہیں    (دُرِّمُختار ج ۲ ص ۵۳۲)  {6}  اِس میں   قَعدۂ  اُولیٰ واجِب ہے، صرف تَشَھُّد پڑھ کر کھڑی ہو جائیے  {7} تیسری رَکْعَت میں   قِراء َت کے بعد تکبیرِقُنوت (اللّٰہُ اکبر)  کہنا واجِب ہے  (بہارِ شریعت،حصّہ۳ ص ۸۶)  {8}  جس طرح تکبیرِ تحریمہ کہتے ہیں   اِسی طرح تیسری رکعت میں   الحمد شریف اور سورۃ پڑھنے کے بعد پہلے ہاتھ کندھوں   تک اُٹھائیے پھر اللّٰہُ اکبر کہئے  {9}   پھر ہاتھ باندھ کر دُعائے قُنوت پڑ ھئے ۔

دُعائے قُنُوت

اَللّٰھُمَّ اِنَّا نَسْتَعِیْنُکَ وَنَسْتَغْفِرُکَ وَنُؤْمِنُ بِکَ وَنَتَوَکَّلُ عَلَیْکَ وَنُثْنِیْ عَلَیْکَ الْخَیْرَ وَنَشْکُرُکَ وَلَا نَکْفُرُکَ وَنَخْلَعُ وَنَتْرُکُ مَنْ یَّفْجُرُکَ ط

اے اللہ ہم تجھ سے مدد چاہتے (چاہتی)  ہیں   اور تجھ سے بخشش مانگتے  (مانگتی)  ہیں   اور تجھ پر ایمان لاتے (لاتی)  ہیں   اور تجھ پر بھروسا رکھتے (رکھتی)  ہیں   اور تیری بَہُت اچھی تعریف کرتے (کرتی ) ہیں   اور تیراشکرکرتے  ( کرتی )   ہیں   اور تیری ناشکری نہیں   کرتے (کرتی)  اور الگ کرتے  (کرتی)  ہیں   اورچھوڑتے  (چھوڑتی )  ہیں   اُس کو جو تیری نا فرمانی کرے ،

اَللّٰھُمَّ اِیَّاکَ نَعْبُدُ وَ لَکَ نُصَلِّی وَنَسْجُدُ وَ اِلَیْکَ نَسْعٰی وَنَحْفِدُ وَ نَرْجُوْا رَحْمَتَکَ وَنَخْشٰی عَذَابَکَ اِنَّ عَذَابَکَ بِالْکُفَّارِ مُلْحِقٌ۔

اے اللہ ہم تیری ہی عبادت کرتے (کرتی )  ہیں   اور تیرے ہی لئے نَماز پڑھتے (پڑھتی)  اور سجدہ کرتے (کرتی)  ہیں   اور تیری ہی طرف دوڑتے (دوڑتی)  اور سعی کرتے  (کرتی )  ہیں   اور تیری رَحمت کی اُمّیدوار ہیں   اور تیرے عذاب سے ڈرتے (ڈرتی)  ہیں   بیشک تیرا عذاب کافِروں   کو ملنے والا ہے ۔

 {10}  دعائے قُنُوت کے بعد دُرُود شریف پڑھنا بہتر ہے۔ (بہارِ شریعت ،حصّہ۴ ص ۴، دُرِّمُختارج ۲ص۵۳۴)  

{11}   جو دعائے قُنُوت نہ پڑھ سکیں   وہ یہ پڑھیں   :  

 (اَللّٰھُمَّ)  رَبَّنَاۤ اٰتِنَا فِی الدُّنْیَا حَسَنَةً وَّ فِی الْاٰخِرَةِ حَسَنَةً وَّ قِنَا عَذَابَ النَّارِ (۲۰۱)   (پ۲ البقرۃ ۲۰۱)

(ا ے اللّٰہعَزَّوَجَلَّ) ترجَمۂ کنزالایمان:  اے رب ہمارے ہمیں   دُنیا میں   بھلائی دے اور ہمیں  آخِرت میں   بھلائی دے اورہمیں   عذا بِ دوزخ سے بچا۔

یایہ پڑھئے:

اَللّٰھُمَّ اغْفِرْ لِیْ

اے اللہ میری مغفِرت فرما دے۔  (غُنْیہ ص۴۱۸)

  {12}  اگر دُعائے قُنُوت پڑھنا بھول گئیں   اور رُکوع میں   چلی گئیں   تو واپس نہ لوٹئے بلکہ سجدۂ  سَہو کر لیجئے۔ (عالمگیری،ج۱ص۱۱۱،۱۲۸)

وِتر کا سلام پھیرنے کے بعد کی ایک سُنّت

            شَہَنشاہِ خیرُالانام صَلَّی اللہُ تَعَالٰی عَلَیْہِ وَاٰلِہٖ وَسَلَّمَ جب وِتر میں   سلام پھیرتے ، تین بار سُبْحٰنَ  الْمَلِکِ الْقُدُّوْسِ کہتے اور تیسر ی با ر بلند آواز سے کہتے ۔  ( سُنَنُ النَّسَائیص ۲۹۹حدیث ۱۷۲۹)  

 ’’ حضرتِ حَلِیمہ سَعدِیہ ‘‘  کے چودہ حُروف کی نسبت سے سَجدۂ سَہْوْ کے 14مَدَنی پھول

 



Total Pages: 92

Go To