Book Name:Chanday Kay Baray Main Sawal Jawab

چندے کے بارے میں سوال جواب

شیطٰن لاکھ سُستی دلائے مگر بہ نیّتِ ثواب یہ کتاب(100 صَفْحات )

مکمَّل پڑھ لیجئے اِنْ شَآءَاللہ عَزَّ وَجَلَّ آپ کے علْم میں   خوب اِضافہ ہوگا ۔

دُرُود شریف کی فضیلت

            اللہ عزَّوجَلَّکے پیارے رسول، رسولِ مقبول، سیِّدہ آمِنہ رَضِیَ اللہُ تَعَالٰی عَنْہَاکے گلشن کے مہکتے پھول صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  کا فرمانِ شَفاعت نشان ہے : ’’شبِ جُمُعہ اور روزِ جُمُعہ (یعنی جُمعرات کے غروبِ آفتاب سے لیکر جُمُعہ کا سورج ڈوبنے تک ) مجھ پر دُرُودِ پاک کی کثرت کرلیا کرو، جو ایسا کرے گا قِیامت کے دن میں  اُس کا شَفیع وگواہ بنوں  گا ۔ ‘‘

(شُعَبُ الْاِیمان ج۳ ص۱۱۱ حدیث۳۰۳۳)

صَلُّوا عَلَی الْحَبِیْب!                                                صَلَّی اللہُ تَعَالٰی عَلٰی مُحَمَّد

چندہ کی شَرعی حیثِیَّت

سُوال :  مساجِد و مدارِسِ اسلامیہ وغیرہ دِینی کاموں  کیلئے چندہ کرنا کیساہے ؟

جواب  :         جائز بلکہ کارِ ثواب ہے اور اس کی اصل سُنّت سے ثابِت ۔ چُنانچِہ میرے آقا اعلیٰ حضرت امام اَحمد رضا خان عَلَیْہِ رَحْمَۃُ الرَّحْمٰن ایک سُوال کے جواب میں  فتاوٰی رضویہ جلد16 صَفْحَہ 418پر ارشاد فرماتے ہیں  : ’’مسجِد میں  اپنے لئے مانگنا جائز نہیں  اور اسے دینے سے بھی عُلَماء نے مَنع فرمایا ہے  ۔ ‘‘(چند سُطور کے بعد لکھتے ہیں ) اور کسی دوسرے کیلئے مانگا یا مسجِد خواہ کسی اورضَرورتِ دینی کیلئے چندہ کرنا جائز اور سنّت سے ثابِت ہے ۔  (فتاوٰی رضویہ ج۱۶ ص ۴۱۸)مزیدصَفْحَہ 468 پر فرماتے ہیں  : اُمُورِ خَیر(یعنی بھلائی کے کاموں ) کے لئے چندہ کرنا احادیثِ صَحیحہ سے ثابِت ہے ، مالدار پر واجِب نہیں  کہ ساری مسجِد اپنے مال سے بنائے ، اَمرِ خیر(یعنی بھلائی کے کام ) میں  چندہ کی تحریک دلالتِ خیر(یعنی بھلائی کی طرف رہنمائی  )  ہے ۔ (حدیثِ مبارَک میں  ہے ) :  ’’جو کارِ خیر کی راہنمائی کرے اُس کو بھی اُتنا ہی اَجر ملتا ہے جِتنا کارِ خیر کرنے والے کو ۔ ‘‘ (مُسلِم  ص ۱۰۵۰حدیث۱۸۹۳)

چندہ پارٹی کہکر کر مذاق اُڑانا کیسا؟

سُوال :  دِینی کاموں  کیلئے چندہ کرنے والوں  کو بعض لوگ تَحقیراً ’’چندہ پارٹی ‘‘ کہتے اور ان کا مذاق اُڑاتے ہیں ، ان کی اصلاح کیلئے کچھ مَدَنی پھول بیان کیجئے ۔

جواب : مسلمان کی تَحقیر یا اُس کا مذاق اُڑانا اور دل دُکھانا حرام اور جہنَّم میں  لے جانے والا کام ہے ۔ بَحروبَر کے بادشاہ ، دو عا لم کے شَہَنْشاہ ، صاحِبِ مَجدو جاہ، اُمّت کے

 



Total Pages: 50

Go To