Book Name:Nekiyan Barbad Honay Say Bachaiye

وغیرہ کا بھی سُترہ ہو سکتا ہے کہ ان کے بعد گزرنے میں کچھ حرج نہیں۔ (غنیۃ المتملی ، ص ۳۶۷)مگر آدمی کو اس حالت میں سُترہ کیا جائے جب کہ اس کی پیٹھ مصلّی کی طرف ہو کہ مصلّی کی طرف منہ کرنا منع ہے ۔ (بہار شریعت ، حصہ ۳ ، ۱ / ۶۱۶)

وڈیرے کی توبہ

          میٹھے میٹھے اسلامی بھائیو!نیکیوں پر استقامت پانے اور گھر میں سنّتوں بھرا مَدَنی ماحول بنانے کے لئے دعوتِ اسلامی کے مَدَنی ماحول سے وابستہ ہوجائیے ، اڈیرولال(ضلع مٹیاری ، باب الاسلام سندھ) کے اسلامی بھائی (عمرتقریباً42سال) کا بیان ہے کہ دعوتِ اسلامی کے مدنی ماحول میں شامل ہونے سے پہلے میں اپنے گوٹھ کا وڈیرہ تھا ، گورنمنٹ کی ملازمت اور 45ایکڑزمین سے ملنے والی آمدنی کی وجہ سے میرے پاس بہت پیسہ تھا جس کی وجہ سے میں برائیوں کی دنیا میں چلا گیا ، روزانہ شراب پینا ، لوگوں سے جھگڑنا میرا مشغلہ تھا ، عیاشیاں کرنا میرا شوق تھا ، لوگوں کی دل آزاریاں کیا کرتا ، وڈیرا ہونے کی وجہ سے غریب مجھے ڈرکے مارے کچھ بھی نہیں کہتے تھے ۔ میرے والد صاحب کا کئی برس پہلے انتقال ہوچکا تھا ، مجھ سے بڑے اور چھوٹے دونوں بھائی میری اس حالت سے تنگ تھے انہیں روزانہ میری شکایتیں ملا کرتیں ۔ میں پوری پوری رات عیاشی کی محفلوں میں گزار دیتا پھر یار دوست نشے کے حالت میں مجھے گوٹھ چھوڑ جایا کرتے ۔

          میری قسمت یوں جاگی کہ میرے ایک شناسا اسلامی بھائی مجھے سات آٹھ سا ل سے ملتان میں ہونے والے سنتوں بھرے اجتماع میں شرکت کی دعوت دیا کرتے مگر میں انکار دیتا۔ 2005ء کے اجتماع میں انہوں نے مجھے دعوت دی تو میں نے ہاں کردی کہ چلو تھوڑا گھوم پھر بھی آئیں گے ۔ مگر جب اجتماع میں امیراہلسنّت حضرت علامہ مولانا محمد الیاس عطار قادری دامت برکاتہم العالیہ کی رقت انگیز دعا سنی تو میرے ہوش اُڑ گئے اور میں پھوٹ پھوٹ کر رونے لگا کہ میں نے اتنا وقت ضائع کردیا !اس کے بعد میں نے 2007ء میں ٹنڈو آدم(باب الاسلام سندھ) میں 30دن کا اعتکاف کیا تو اَ لْحَمْدُللّٰہعَزَّوَجَلَّ! چہرے پر داڑھی بھی سجا لی اور گناہوں سے توبہ کرلی ،  اللّٰہعَزَّوَجَلَّنے مجھے استقامت عطا فرمائی ، میں نے 45ایکڑ زمین کا انتظام بھی بڑے بھائی کو سونپ دیا اورانہی کو وڈیرے پن کے کام بھی سونپ دیئے۔ دعوتِ اسلامی کا مدنی کام کرتے کرتے مجھے علاقائی مشاورت کا خادم(نگران) بننے کی سعادت بھی نصیب ہوئی ۔

عطائے حبیبِ خدا مَدَنی ماحول    ہے فَیضانِ غوث ورضا مَدَنی ماحول

بَفَیضانِ  احمد  رضا   اِن شائَ اللّٰہ        یہ پُھولے پھلے گا سدا مَدَنی ماحول

(وسائلِ بخشش ، ص۶۰۴)

صَلُّوا عَلَی الْحَبِیب !                                 صلَّی اللّٰہُ تعالٰی علٰی محمَّد

زخمی ہوتے ہی ہنس پڑیں(حکایت)

حضرت سیِّدُنافتح موصلی عَلَیْہِ رَحْمَۃُاللہِ الولی کی اہلئہ محترمہ  رَحْمَۃُاللہِ تعالٰی علیھا ایک مرتبہ زور سے گِریں جس سے ناخُن مُبارک  ٹوٹ گیا ، لیکن دَرد  سے ,,ہائےہو  ، ، کرنے کی بجائے ہنسنےلگیں !! کسی نے پوچھا : کیا زَخم میں دَرد نہیں ہورہا؟ فرمایا :  ,, صبر کے بدلے میں ہاتھ آنےوالے ثواب  کی خوشی میں مجھے چوٹ کی تکلیف کا خیال ہی نہ آسکا۔  ،، )اَلْمُحالَسَۃُ لِلدَّیُنَوَرِی ،ج۳ ، ص۱۳۴)

مآخذ و مراجع

نام کتاب                                    مطبوعہ                                       نام کتاب                                    مطبوعہ

قرآن مجید                                    مکتبۃ المدینہ ، باب المدینہ کراچی        فیض القدیر                                    دار الکتب العلمیۃ ، بیروت۱۴۲۲ھ

کنز الایمان                                   مکتبۃ المدینہ ، باب المدینہ کراچی         مراٰۃ المناجیح                                  ضیاء القرآن پبلیکیشنز ، لاہور

تفسیر نسفی                                      دار المعرفہ ، بیروت ۱۴۲۱ھ               تنویر الابصار                                 دارالمعرفۃ ، بیروت ، ۱۴۲۰ھ

 



Total Pages: 42

Go To