Book Name:Murday ki Bebasi

 

گناہوں کا عذاب سنتے ہیں :

خو فناک وادی

      جہنَّم میں غَیّ نامی ایک خوفناک وادی ہے جس کی گرمی سے جہنَّم کی دِیگر وادِیاں پناہ مانگتی ہیں ،’’یہ وادی زانیوں ،شرابیوں ،سود خوروں ،جھوٹے گواہوں ، ماں باپ کے نافرمانوں اور بے نمازیوں کے لئے ہے۔‘‘                (روحُ الْبیان ج۵ ص۳۴۵)

گَنجا اَژْدَہا

      حضرت سَیِّدُنا ابوہریرہ رَضِیَ اللہُ تَعَالٰی عَنْہُ سے رِوایت ہے کہ رسو لِ پاک، صاحب لولاک، سیاحِ افلاک صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عبرت نشان ہے: جس کو اللہ عَزَّ وَجَلَّ  نے مال عطا فرمایا اور اُس نے اُس کی زکوٰۃ ادا نہ کی تو قیامت کے دن اُس کا مال ایک گنجے اَژدہے کی صورت میں بنادیا جائیگا کہ اس اَژدہے کی دو چتیاں ہوں گی۔(جو اس کے بہت ہی زہریلے ہونے کی نشانی ہے) اور وہ اَژدہا اُس کے گلے کا طوق (یعنی ہار)بنادیا جائے گا جو اپنے جبڑوں سے اُس کو پکڑے گا اور کہے گا:میں ہوں تیرا مال ،تیرا خزانہ۔ (بُخاری  ج۱ ص۴۷۴ حدیث۱۴۰۳)

40 دن تک نَمازیں نامقبول

       شرابیں پینے والے کان کھول کر سنیں اور تھر تھر کانپیں کہ: رَسُولُ اللہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا فرمانِ عبرت نشان ہے: جو شراب پی لے گا چالیس دن تک اُس کی نَماز قَبول نہیں ہوگی، اگر اُس نے توبہ کرلی تو  اللہ تعالٰی  اُس کی توبہ قبول فرمالے گا پھر اگر دوبارہ شراب پی لی تو پھر

 



Total Pages: 28

Go To