Book Name:Islam Ki Bunyadi Batain Part 03

حسنِ مصطفٰے

چہرۂ اَنور

سوال …:                    سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا چہرۂ انور کیسا تھا؟

جواب …:                                         سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کا چہرۂ انور جمالِ الٰہی کا آئینہ، نہایت ہی خوبصورت، پرگوشت اور کسی قدر گولائی میں تھا۔ حضرت سیِّدُنا جابر بن سمرہ رَضِیَ اللّٰہُ تَعَالٰی عَنْہ فرماتے ہیں کہ میں نے اللہ  عَزَّ وَجَلَّ  کے پیارے حبیب صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو ایک مرتبہ  چاندنی رات میں دیکھا، میں ایک مرتبہ  چاند کی طرف دیکھتا اور ایک مرتبہ  آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے چہرۂ انور کو دیکھتا تو مجھے آپ کا چہرہ چاند سے بھی زیادہ خوبصورت نظر آتا۔ )[1](

سوال …:                    کیا ہمارے سرکار صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم حضرت سیِّدُنا یوسف عَلَیْہِ السَّلَام سے بھی زیادہ حسین تھے؟

جواب …:                       جی ہاں !  ہمارے آقا سرورِ دو جہاں صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم حضرت سیِّدُنا یوسف عَلَیْہِ السَّلَام سے بھی زیادہ حسین تھے۔ چنانچہ مروی ہے کہ حضرت سیِّدُنا یوسف عَلَیْہِ السَّلَام تمام نبیوں اور رسولوں بلکہ تمام مخلوق سے زیادہ حسین تھے مگر ہمارے آقا میٹھے میٹھے مصطفٰے کریم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو اللہ  عَزَّ وَجَلَّ  نے جو حسن عطا فرمایا وہ کسی اور کو عطا نہ ہوا۔ اس کے علاوہ حضرت سیِّدُنا یوسف عَلَیْہِ السَّلَام کو حسن و جمال کا ایک حصہ ملا تھا مگر آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کو حسنِ کل عطا ہوا۔)[2](

حسن ہے بے مثل صورت لاجواب

میں فدا، تم آپ ہو اپنا جواب

سوال …:   سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے چہرۂ انور کے حسن کے متعلق اعلیٰ حضرت عَلَیْہِ رَحمَۃُ رَبِّ الْعِزَّت کے کوئی دو شعر سنائیے۔

جواب …:  سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے چہرۂ انور کے حسن کے متعلق اعلیٰ حضرت عَلَیْہِ رَحمَۃُ رَبِّ الْعِزَّت کیا خوب ارشاد فرماتے ہیں :    ؎

                                                )1(…    چاند سے منہ پہ تاباں درخشاں درود

                                      نمک آگیں صباحت پہ لاکھوں سلام

مشکل الفاظ کے معانی

لفظ                     معنی                   لفظ                     معنی                   لفظ                     معنی

چاند سے                چاند جیسے               تاباں                   چمکدار                 درخشاں                روشن

نمک آگیں            نمک بھری            صباحت                گورا پن

مفہوم شعر:  سرورِ دو جہاں صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کے چاند سے بھی زیادہ خوبصورت چہرۂ انور پہ نور والا درود و رحمت ہو اور آپ کے نمکیں حسن و جمال پہ لاکھوں سلام ہوں ۔

(2)… جس سے تاریک دل جگمگانے لگے

اس چمک والی رنگت پہ لاکھوں سلام

نورانی آنکھیں

سوال …:                    سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی نورانی آنکھیں کیسی تھیں ؟

جواب …:                                         سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی نورانی آنکھیں بڑی بڑی اور قدرتی طور پر سرمگیں تھیں یعنی سرمہ کے بغیر معلوم ہوتا کہ سرمہ لگا ہوا ہے۔ پلکیں گھنی اور دراز تھیں ۔ پتلی کی سیاہی خوب سیاہ اور آنکھ کی سفیدی خوب سفید تھی جن میں باریک باریک سرخ ڈورے تھے۔

سوال …:                    سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی نورانی آنکھوں کی بصارت (دیکھنے کی قوت) کیسی تھی؟

جواب …: سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی نورانی آنکھوں کی بصارت (دیکھنے کی قوت) میں معجزانہ شان تھی، آپ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم بیک وقت آگے پیچھے، دائیں بائیں ، اوپر نیچے، دن رات، اندھیرے اُجالے میں یکساں دیکھا کرتے تھے۔)[3](

سوال …:  سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی نورانی آنکھوں کی عظمت کے متعلق کچھ اشعار سنائیے۔

جواب …: سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی نورانی آنکھوں کی عظمت کے متعلق اعلیٰ حضرت عَلَیْہِ رَحمَۃُ رَبِّ الْعِزَّت فرماتے ہیں :      ؎

 



[1]    شمائلِ محمدیۃ،  باب ماجاء فی خلق رسول اللہ صلی اللہ علیہ وسلم،   ص۲۴،   حدیث:۹

[2]    خصائص کبریٰ،   باب ما اولٰی یوسف علیہ الصلوۃ والسلام،   ۲ / ۳۰۹

[3]    خصائص کبریٰ،   باب المعجزۃ والخصائص    الخ،   ۱ / ۱۰۴ ملتقطاً



Total Pages: 146

Go To