Book Name:Islam Ki Bunyadi Batain Part 03

وَارْزُقْنِیْ تِلَاوَتَهٗٓ اٰنَآءَ الَّیْلِ وَاَطرافَ النَّھَارِ وَاجْعَلْهُ حُجَّةً لِّیْ یَا رَبَّ الْعٰلَمِیْنَ۔)[1] (

ترجمہ:  الٰہی میری قبر میں میری پریشانی کو دور فرمانا اور قرآنِ عظیم کے وسیلے سے مجھ پر رحم فرمانا اور قرآن کو میرے لیے پیشوا بنا اور باعث ِ نور اور سبب ِ ہدایت و رحمت بنا اور قرآن سے جو کچھ میں بھول گیا ہوں اسے یاد دلا دے اور جو کچھ قرآن سے میں نہ جان سکا وہ بھی سکھلا دے اور رات دن مجھے اس کی تلاوت نصیب کر اور (قیامت کے دن) اس کو میرے لیے دلیل بنا۔ اے عالم کے پرورش کرنے والے!  میری دعا قبول فرما۔

سوال …:  کم عرصہ میں حفظ کرنے والے چند بزرگانِ دین رَحِمَہُمُ اللّٰہُ الْمُبِیْن کے نام بتائیے اور یہ بھی بتائیے کہ انہوں نے کتنے عرصے میں حفظ کیا؟

جواب …:            کم عرصہ میں حفظ کرنے والے چند بزرگانِ دین رَحِمَہُمُ اللّٰہُ الْمُبِیْن کے نام یہ ہیں :  

                        ٭… حضرت سیِّدُنا  امام محمد عَلَیْہِ رَحمَۃُ اللّٰہِ الصَّمَد نےسات دن میں حفظ کیا۔

                        ٭…  سیدی اعلیٰ حضرت امام احمد رضا خان عَلَیْہِ رَحمَۃُ الرَّحْمٰن نے ایک ماہ میں حفظ کیا۔

                        ٭…  حضرت سیِّدُنا محمد معصوم نقشبندی عَلَیْہِ رَحمَۃُ اللّٰہِ الْقَوِی نے 3ماہ میں حفظ کیا۔ )[2] (

سوال …:                    سات مشہور قراء صحابۂ کرام عَلَیْہِمُ الرِّضْوَان کے نام بتائیں ؟

جواب …:            سات مشہور قراء صحابۂ کرام عَلَیْہِمُ الرِّضْوَان کے نام یہ ہیں :

(1)… امیر المومنین حضرت سیِّدُنا عثمان بن عفان رَضِیَ اللّٰہُ تَعَالٰی عَنْہ

(2)… امیر المومنین حضرت سیِّدُنا علی المرتضیٰ کَرَّمَ اللّٰہُ تَعَالٰی وَجْہَہُ الْکَرِیْم

(3)… حضرت سیِّدُنا اُبی بن كعبرَضِیَ اللّٰہُ تَعَالٰی عَنْہ                 (4)… حضرت سیِّدُنا زید بن ثابت رَضِیَ اللّٰہُ تَعَالٰی عَنْہ

(5)…… حضرت سیِّدُنا عبد اللہ بن مسعود رَضِیَ اللّٰہُ تَعَالٰی عَنْہ    (6)… حضرت سیِّدُنا ابو الدرداء رَضِیَ اللّٰہُ تَعَالٰی عَنْہ

(7)… حضرت سیِّدُنا ابو موسیٰ اشعری رَضِیَ اللّٰہُ تَعَالٰی عَنْہ  ۔  )[3] (

سوال …:                    قراء ت سبعہ کے اماموں کے نام بیان کیجئے؟

جواب …:            قر اء ت سبعہ کے اماموں کے نام یہ ہیں :

(1)… حضرت سیِّدُنا امام نافع عَلَیْہِ رَحمَۃُ اللّٰہِ الرَّافِع                    (2)… حضرت سیِّدُنا امام ابن کثیر عَلَیْہِ رَحمَۃُ اللّٰہِ الْقَدِیْر

(3)… حضرت سیِّدُنا امام ابو عمرو رَحْمَۃُ اللّٰہِ تَعَالٰی عَلَیْہ                                (4)… حضرت سیِّدُنا امام ابن عامر عَلَیْہِ رَحمَۃُ اللّٰہِ الْغَافِر

(5)…… حضرت سیِّدُنا امام عاصم عَلَیْہِ رَحمَۃُ اللّٰہِ الْحَاکِم            (6)… حضرت سیِّدُنا امام حمزہ رَحْمَۃُ اللّٰہِ تَعَالٰی عَلَیْہ

(7)… حضرت سیِّدُنا امام کسائی عَلَیْہِ رَحمَۃُ اللّٰہِ الْقَوِی۔ )[4] (

سوال …:                    امیر المومنین حضرت سیِّدُنا عثمانِ غنی رَضِیَ اللّٰہُ تَعَالٰی عَنْہ کے تیار کردہ مصاحف (یعنی قرآنِ پاک) کی تعداد کتنی تھی؟

جواب …:            امیر المومنین حضرت سیِّدُنا عثمانِ غنی رَضِیَ اللّٰہُ تَعَالٰی عَنْہ کے تیار کردہ مصاحف کی تعداد پانچ تھی۔

٭…٭…٭

خَتْمِ نبُوّت و رِسَالَت

سوال …:                     ختم نبوت سے کیا مراد ہے؟

جواب …:                                          ختم نبوت سے مراد یہ ماننا ہے کہ ہمارے آقا و مولیٰ حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم  ’’ آخری نبی ‘‘  ہیں ۔ یعنی اللہ  عَزَّ وَجَلَّ  نے حضور صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم کی ذات پر سلسلۂ نبوت کو ختم فرما دیا۔ حضور کے زمانہ میں یا اس کے بعد قیامت تک کوئی نیا نبی نہیں ہو سکتا۔)[5] (

 



[1]    الجامع الصغیر للسیوطی،   ص ۴۱،   حدیث: ۵۷۱تفسیر روح البیان،   پ۱۵،   الاسراء،   تحت الآیۃ: ۱۰،   ۵ / ۱۳۶

[2]    انوار العرفان،   ص۲۸،   ۳۰

[3]    اتقان،    النوع  العشرون،    ۱ / ۱۰۳

[4]    كتاب التيسير في القراء ت السبع ، ص۱۷،   ۱۹

[5]    بہارِ شریعت،   عقائد متعلقہ نبوت،   ۱ / ۶۳



Total Pages: 146

Go To