Book Name:Islam Ki Bunyadi Batain Part 03

جواب …:      سب سے پہلے سورۂ علق کی یہ آیتِ مبارکہ نازل ہوئی:  اِقْرَاْ بِاسْمِ رَبِّكَ الَّذِیْ خَلَقَۚ(۱) (پ۳۰،العلق : ۱)  ترجمۂ کنز الایمان:  پڑھو اپنے رب کے نام سے۔  )[1] (

سوال …:                    قرآنِ پاک کی کون سی آیت سب سے آخر میں نازل ہوئی؟

جواب …:                      سب سے آخر میں سورۂ بقرہ کی یہ آیتِ مبارکہ نازل ہوئی:  وَ اتَّقُوْا یَوْمًا تُرْجَعُوْنَ فِیْهِ اِلَى اللّٰهِۗ-ثُمَّ تُوَفّٰى كُلُّ نَفْسٍ مَّا كَسَبَتْ وَ هُمْ لَا یُظْلَمُوْنَ۠(۲۸۱)

(پ۳،البقرۃ: ۲۸۱) ترجمۂ کنز الایمان:  اور ڈرو اس دن سے جس میں اللہ کی طرف پھرو گے اور ہر جان کو اس کی کمائی پوری بھردی جائے گی اور ان پر ظلم نہ ہوگا۔  )[2] (

سوال …:                    قرآنِ پاک حفظ کرنے کے متعلق شرعی حکم کیا ہے؟

جواب …:                      ایک آیت کا حفظ کرنا ہر مکلّف (یعنی عاقل بالغ) مسلمان پر فرضِ عین ہے اور پورے قرآنِ مجید کا حفظ کرنا فرضِ کفایہ (یعنی اگر چند مسلمان حفظ کر لیں تو بقیہ کے ذمے زبانی یاد کرنا لازم نہیں رہے گا) اور سورۂ فاتحہ اور ایک دوسری چھوٹی سورت یا اس کی مثل تین چھوٹی آیتیں یا ایک بڑی آیت کا حفظ واجب عین (یعنی ہر ایک کے لیے یاد کرنا واجب) ہے۔ )[3] )

سوال …:                    قرآنِ مجید سے خالی سینہ کیسا ہے؟

جواب …:                                         سرکارِ مدینہ صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم نے ارشاد فرمایا:  جس کے سینے میں کچھ قرآن نہیں وہ ویران مکان کی طرح ہے۔)[4] (

سوال …:                    جوشخص قرآنِ پاک پڑھے اور اس پر عمل کرے اس کی کیا فضیلت ہے؟

جواب …:                                         حدیث ِ پاک میں ہے کہ جس نے قرآن پڑھا اور اس کو یاد کرلیا اور اس کے حلال کو حلال اور حرام کو حرام جانا اس کے گھر والوں میں سے ان دس افراد کے بارے میں اللہ  عَزَّ وَجَلَّ  اس کی شفاعت قبول فرمائے گا جن پر جہنم کی آگ واجب ہو چکی ہو گی۔)[5] (

سوال …:                    قرآنِ مجید پڑھنے کی فضیلت کیا ہے؟

جواب …:                                         جس نے قرآنِ مجید سے ایک حرف پڑھا اس کے لئے دس نیکیاں ہیں ۔

سوال …:                    زبان میں لکنت کی وجہ سے رک رک کر قرآنِ پاک پڑھنے والے کے متعلق کیا حکم ہے ؟

جواب …:                                         ایسے شخص کو دوگنا ثواب ملتا ہے۔)[6] (

سوال …:                     قرآنِ مجید دیکھ کر پڑھنے اور زبانی پڑھنے میں کیا فرق ہے؟

جواب …:                                         قرآنِ مجید دیکھ کر پڑھنا زبانی پڑھنے سے افضل ہے کہ یہ پڑھنا بھی ہے اور دیکھنا بھی اور ہاتھ سے چھونا بھی اور یہ سب کام عبادت ہیں ۔)[7] (

سوال …:                    کیا قرآنِ مجید کو بے وضو پڑھ سکتے ہیں ؟

جواب …:                                         جی ہاں !  قرآنِ مجید کو بے وضو پڑھ سکتے ہیں ۔

سوال …:           کیا قرانِ مجید کو بے وضو چھو بھی سکتے ہیں ؟

جواب …:                                         جی نہیں !  قرآنِ مجید کو بے وضو چھونا حرام ہے۔

ختم قرآن کی دعا

اَللّٰھُمَّ اٰنِسْ وَحْشَتِیْ فِیْ قَبْرِیْؕ اَللّٰھُمَّ ارْحَمْنِیْ بِالْقُرْاٰنِ الْعَظِیْمِ وَاجْعَلْهُ لِیْ اِمَامًا وَّنُوْرًا وَّھُدًی وَّرَحْمَةًؕ اَللّٰھُمَّ ذَكِّرْنِیْ مِنْهُ مَا نَسِیْتُ وَعَلِّمْنِیْ مِنْهُ مَاجَھِلْتُ



[1]    الاتقان،  باب معرفۃ المکی والمدنی،  ۱ / ۱۴

[2]    الشفاء ، فصل واعلم ان من استخف بالقرآن    الخ،    الجزء الثانی،   ص۲۶۴ ماخوذاً

[3]    بہارِ شریعت،   عقائد متعلقہ نبوت،   ۱ / ۵۴۵

[4]    ترمذی،   کتاب فضائل القرآن،   باب:۱۸،   ۴ / ۴۱۹،   حدیث:۲۹۲۲

[5]    ترمذی،  کتاب فضائل القرآن،   باب ماجاء فی فضل قاریٔ القرآن،   ۴ / ۴۱۴،   حدیث:۲۹۱۴

[6]    مسلم،   کتاب صلاۃ المسافرین     الخ،   باب فضل من یقوم بالقرآن     الخ،    ص۴۰۸ ، حدیث:۲۶۹۔(۸۱۶) مفھوماً

[7]    بہارِ شریعت،   مسائل قراءت بیرونِ نماز،   ۱ / ۵۵۰



Total Pages: 146

Go To