Book Name:Fatawa Razawiyya jild 27

 

 

 

 

فلسفہ،طبعیات،سائنس،نجوم،منطق

 

مسئلہ۲۳:                               مرسلہ مولوی احمد شاہ،ساکن موضع سادات

 بجلی کیا شَے ہے؟

الجواب:

اﷲ تعالٰی نے بادلوں کے چلانے پر ایك فرشتہ مقرر فرمایاہے جس کا نام رعد ہے،اس کا قد بہت چھوٹا ہے،اور اس کے ہاتھ میں ایك بڑا کوڑا ہے۔جب وہ کوڑا بادل کو مارتا ہے اس کی تری سے آگ جھڑتی ہے اس کا نام بجلی ہے۔واﷲ تعالٰی اعلم۔

مسئلہ ۲۴:                مرسلہ احمد شاہ مذکور

زلزلہ آنے کا کیا باعث ہے ؟

الجواب:

اصلی باعث آدمیوں کے گناہ ہیں،اور پیدا ہوں ہوتا ہے کہ ایك پہاڑ تمام زمین کو محیط ہے اور اس کے ریشےزمین کے اندر اندر سب جگہ پھیلے ہوئے ہیں جیسے بڑے درخت کی جڑیں دور تك اندر اندر پھیلتی ہیں،جس زمین پر معاذاﷲ زلزلہ کا حکم ہوتا ہے وہ پہاڑ اپنے اس جگہ کے ریشے کو جنبش دیتا ہے زمیں ہلنے لگتی ہے۔واﷲ تعالی اعلم۔


 

 



Total Pages: 682

Go To