We have moved all non-book items like Speeches, Madani Pearls, Pamphlets, Catalogs etc. in "Pamphlet Library"

Book Name:Fatawa Razawiyya jild 15

 

 

کاش یہ بات اسی وقت طے ہوجاتی!

 

ایک تاریخی خط

(بافاضہ حضرۃ علامہ مولانا حسنین رضا خاں بریلوی مدظلہ العالی)

 

علمائے دیو بند کی وہ دین سوز عبارتیں جن پر سارا عرب وعجم چیخ اٹھا تھا،دنیا کے بڑے بڑے علماء کرام ومفتیان عظام ومشائخ ذوی الاحترام وعوام لرز گئے تھے۔ہر درد مند مخلص تڑپ رہاتھا کہ کسی صورت یہ فتنہ ختم ہو اورملت اسلامیہ سکون واطمینان کا سانس لے۔

دین اور ملت اسلامیہ میں فتنہ اور افتراق کی یہ ہولناك آگ ایسی نہ تھی جس پر مجدد اعظم امام احمد رضاخاں

بریلوی قدس سرہ،خاموش تماشائی رہتے،اسلام کا انتہائی درد،مسلمانوں کی دنیا وآخرت کی تباہی کا خوف اور آپ کے منصب کی ذمہ داری نے آپ کو مضطرب اور بے چین کردیا،علماء دیوبند کو دعوت پر دعوت دی،بہت سے مطبوعہ و غیر مطبوعہ خطوط لکھے،رجسٹریاں بھیجیں کہ اے اﷲ کے بندو! تمھاری ان عبارتوں سے اسلام کی بنیادوں پر ضربیں لگی ہیں،مسلمان سخت مشکلات میں پھنس گیاہے،دنیاکے ساتھ اس کی آخرت بھی برباد ہو رہی ہے۔آؤ،ہم تم بیٹھ کراس معاملہ کو صاف کرلیں اور اس راہ کو اختیار کریں جو اسلام کا عین منشاء اور مسلمانوں کے لئے صراط مستقیم ہو،مگر افسوس کہ اکابر دیوبند نے یا تو اس سے اجتناب کیایا اگر وعدے بھی کئے تو ایفا نہ کرسکے،خجالت اور شرمندگی دامنگیررہی۔

علماء دیوبند کی اس روش کا نتیجہ یہ نکلاکہ اس وقت کےاندیشوں کے مطابق یہ فتنہ آج اپنے عروج پر پہنچ گیا جس سے نہ صرف مسلمانوں کی دنیا کو شدید نقصان پہنچ رہاہے بلکہ ایك بہت بڑی جماعت اور اس کی مختلف شاخوں کی آخرت بھی بربادی ہورہی ہے۔


 

 



Total Pages: 742

Go To