Book Name:Fatawa Razawiyya jild 14

 

 

 

 

رسالہ

نابغ النور علی سوالات جبلفور  ۱۳۳۹ھ

(جبلپور کے سوالات پر ظاہر ہونے والا نور)

 

بسم اﷲ الرحمٰن الرحیم ونحمدہ ونصلی علٰی رسولہ الکریم

مسئلہ۱۶ تا۲۲: ازجبل پور کمانیہ بازار دکان سیٹھ عبدالغفور صاحب آئل مرچنٹ مرسلہ عبدالجبار صاحب ناظم جماعت خدام اہل سنت۲۰ شوال ۱۳۳۹ھ

کیافرماتے ہیں علمائے دین ومفتیانِ شرع متین مسائل مندرجہ ذیل میں:

(۱)ایك سچا پکا سنی پابندِ مذہب و ملت، تارك دنیا دینی عالم باعمل جو حکومتِ ترکی کوایك عظیم الشان سلطنت اسلامیہ سمجھے اور اپنی متعدد تقریروں میں اس عظیم سلطنتِ اسلامیہ بلکہ ہر مصیبت زدہ مسلمان کی مدد و اعانت و حمایت اور اماکن مقدسہ کی صیانت و حفاظت ہر مسلمان پر بقدر وسعت واستطاعت ہر جائز و ممکن ومفید طریقہ کے ساتھ ضروری و لازم و فرض فرمائے اور لوگوں کے بار بار نہایت اصرار کے ساتھ اس امر کے استفسار پر کہ"آپ ترکوں کی خلافت کو خلافتِ راشدہ کاملہ اور سلطان ترکی کو خلیفۃ المسلمین سمجھتے ہیں کہ نہیں"اس کے جواب میں فرمائے"سلطنت ترکی خلدھا اﷲ تعالٰی وایدھا وحرسھا و اخذل اعدائھا"(اﷲ تعالٰی اس سلطنت کو ہمیشگی بخشے، اس کی مدد فرمائے، اس کی حفاظت فرمائے اور اس کے دشمنوں کو ذلیل فرمائے۔ت) کے متعلق


 

 



Total Pages: 712

Go To