Book Name:Fatawa Razawiyya jild 5

پیش لفظ

مارچ ١٩٨٨ء میں رضافاؤنڈیشن کے زیراہتمام فتاوٰی رضویہ کی جدید اشاعت کے جس عظیم الشان منصوبے کاآغاز ہواتھا اس میں تخریج حوالہ جات، عربی وفارسی عبارات کے ترجمہ اور پیرابندی کاالتزام کیاگیاتھا یہ کوئی آسان کام نہ تھا کیونکہ اس میں مندرجہ ذیل کٹھن اور دشوارمراحل سے گزرنا لازمی تھا؛

(١) ایک ایسی لائبریری کاقیام جس میں مصنف کی ذکرکردہ تمام کتب موجود ہوں۔

(٢) تخریج حوالہ جات کے لئے بعض نایاب مخطوطات کی تلاش۔

 (٣) ایسے اہل علم حضرات کی کمیٹی کاقیام جو نہایت محنت سے کتب کی چھان بین کرکے تخریج حوالہ جات کاکام سرانجام دے سکیں۔

(٤) ان حضرات کی کفالت کاانتظام وانصرام۔

(٥) ترجمہ کے لئے ایسے اہل علم حضرات سے رابطہ جونہ صرف عربی، فارسی اور اردو زبان میں کامل مہارت اور علوم نقلیہ وعقلیہ میں وسیع نظررکھتے ہوں بلکہ مصنف کے مزاج شناس بھی ہوں۔

(٦) ایسے خوشنویس کی تلاش جوعربی، فارسی، اور اردو صرف لکھنا ہی نہ جانتاہو بلکہ اس فن کااستاذ ہو۔

(٧) ان ہزارہاصفحات کی کتابت کے بعد اس کی پروف ریڈنگ کے لئے محنتی اور مخلص افراد کی تلاش۔

رضافاؤنڈیشن کے سربراہ اور ان کے معاونین لائق صد تبریک ہیں کہ اﷲ تعالٰی کے فضل وکرم اور نبی کریم صلی اﷲ تعالٰی علیہ وسلم کی عنایت وشفقت سے انہوں نے ان مراحل کوعظیم استقامت کے ساتھ عبورکیااور انتہائی قلیل عرصے میں فتاوٰی رضویہ (جدید) کی چھ جلدیں پیش کرنے میں کامیاب ہوگئے جبکہ ساتویں جلد زیرکتابت ہے۔


 

 



Total Pages: 736

Go To