Book Name:Fatawa Razawiyya jild 6

 

 

بسم اﷲ الرحمن الرحیم ط


باب شروط الصّلوٰۃ
(نماز کی شرطوں کا بیان)

 

مسئلہ ٣٨٩ :        ازکلکتہ دھرم تتلہ نمبر ٦ مرسلہ جناب مرزا غلام قادر بیگ                             ٥ / رجب ١٣١١ھ

کیا فرماتے ہیں علمائے دین اس مسئلہ میں کہ تہبند اگر ایسے باریك کپڑے کا ہے کہ اس میں سے بدن کی سرخی یا سیاہی نمایاں ہے تو اُس تہبند سے نماز ہو جائے گی یا نہیں؟ 

الجواب:

فی الدرالمختار ساتر لا یصف ما تحتہ [1] فی ردالمحتار بان لایری منہ لون البشرۃ[2]۔ 

درمختار میں ہے چھپانے والی چیز وہ ہے جو اپنے اندر کی چیز کو ظاہر نہ کرے۔ ردالمحتار میں ہے بایں طور پر کہ اس سے جسم کا رنگ دکھائی نہ دے۔ (ت)

یہاں سے معلوم ہُوا کہ عورتوں کا وہ دُوپٹّہ جس سے بالوں کی سیاہی چمکے مفسدِنماز ہے۔ (واﷲ تعالٰی اعلم)

مسئلہ ٣٩٠  :         مسئولہ مرزا باقی بیگ صاحب                     ٢٣محرم ١٣٠٧ھ

کیا فرماتے ہیں علما ئے دین اس مسئلہ میں کہ مرد کے بدن میں کَے عضوِ عورت ہیں؟ بینوا تو جروا 

الجواب:
اللھم ھدایۃ الحق والصواب۔

یہ تو معلوم ہے کہ مرد کے لئے ناف سے زانو تك عورت ہے۔


 

 



[1] درمختار باب شروط الصّلوۃ مطبوعہ مجتبائی دہلی ١/٢٢

[2] ردالمحتار باب شروط الصّلوۃ مطبوعہ مصطفی البابی مصر  ١/٣٠٢



Total Pages: 736

Go To