Book Name:Jame Ul Ahadees Jild 1

       علامہ محمد حنیف خاں رضوی نے تدریس کا آغاز سند فراغت حاصل کرنے کے فوراً ہی بعد ۱۹۷۹ء  میں کر دیا تھا  اور مندرجہ ذیل  مدارس میں تدریس  کے فرائض انجام دیتے  رہے۔            جامعہ رضویہ (ّ کیمری، ضلع  رامپور،) دار العلوم گلشن  بغداد(رامپور) مفتاح العلوم(رامنگر  نینی تال) بدر العلوم(   جس پور نینی تال ) الجامعۃ القادریہ ( رچھا،بریلی شریف ،) اور  آجکل جامعہ نوریہ  رضویہ  (بریلی شریف)   میں  درس و تدریس ، تصنیف و تالیف ، اور صدر المدرسین کے فرائض انجام دے رہے ہیں۔

       علامہ محمد حنیف خاں رضوی  کو پڑھاتے ہوئے تقریباً ۲۲ سال ہو  چکے ہیں۔ ان کے سینکڑوں شاگرد ہیں ،جامعہ نوریہ رضویہ میں ،۷ سات استاد آپ ہی کے  شاگرد ہیں ،اس سے معلوم ہوتا ہے کہ  آپ  طلبہ میںتعلیم و تدریس کا ذوق بھی پید اکر دیتے ہیں جو دنیا کی  محبت کی وجہ سے اب طلبہ میں عنقا ہو تا جا رہا ہے۔  فاضل  مؤلف نے مختلف کتب و رسائل  بھی  تصنیف و تدوین  کئے ہیں جن میں  فتاو ی رضویہ کی بعض مجلدات کی  دوسری  بار اشاعت اور   جامع الاحادیث کی  ترتیب وتخریج نہایت ممتاز ہیں۔  اشاعتی  کام  بھی کئے اور رضا دار الاشاعت(رام نگر ثم بریلی شریف)، رضا اکیڈمی، رامپور احباب کے  شرکت میںقائم کئے، اوران اداروں سے اہم کتابیںشائع کیں ،  علامہ  محمد حنیف خاں رضوی  اپنے ایثار اور اخلاص اور لگن  کی وجہ سے  کالجوں اوریونیورسٹیوں کے اساتذہ کے لئے  بھی نمونہ عمل ہیں۔ وہ  اہل سنت و جماعت کا عظیم سرمایہ ہیں ان شاء اللہ  ان کی یہ محنت مشکور و مقبول  ہوگی ،  مولی تعالیٰ اس تالیف  وتصنیف  سے ایک عالم کو بہر ہ  ور فرما  ئے اور فاضل مؤلف  زید لطفہ  کے درجات بلند

فرمائے اور دارین میں  سرفراز فرمائے۔ ّآمین۔

       فاضل مؤلف نے  احادیث کے اس نادر مجموعہ کا نام  ’’جامع  الاحادیث‘‘  رکھا ہے  اور دوسرا عربی نام’’ المختار ات الرضویہ من الاحادیث النبویہ ‘‘ تجویز کیا ہے۔ اس  کتاب کی  ۳۰×۲۰  سائز میں  چھ جلدیں ہوں  گی  جن میں  احادیث کی  تعداد چار ہزار سے  کچھ کم اور صفحات کی 

تعداد تقریباً چار ہزار ہوگی ۔ اس مجموعے کی  خوبیاں تو بہت ہیں مگر چند ایک یہ ہیں:۔

۱۔    مقدمہ ایک جلد میں ہے جس میں تدوین حدیث، تاریخ حدیث اور اصول حدیث وغیرہ  پر   سیر   حاصل گفتگو  کی گئی ہے ۔

۲۔     کتاب کی چار فہرستیں  ہیں۔فہرست آیات،  عنوانات کی  فہرست، مسائل ضمنیہ کی فہرست اور احادیث کے  عربی الفاظ کی حروف تہجی  کی ترتیب پر فہرست۔ نیز مآخذ و  مراجع کی  فہرست ۔

 



Total Pages: 604

Go To