Book Name:Qasam kay baray main Madani Phool

تُو جھوٹی قَسَم سے بچا یا الٰہی

مجھے سچ کا عادی بنا یا الٰہی!

صَلُّوا عَلَی الْحَبِیْب!                                                صَلَّی اللہُ تَعَالٰی عَلٰی مُحَمَّد

واہ کیا بات ہے مَدَنی تربیّتی کورس کی!

          میٹھے میٹھے اسلامی بھائیو!  جھوٹی قسموں  سے توبہ کا جذبہ پانے ، بات بات پر قسم کھانے کی خصلت مِٹانے،  ضروری دینی معلومات پانے اور سنّتوں  پر عمل کی عادت بنانے کے لئے   ’’ دعوتِ اسلامی ‘‘ کے مَدَنی ماحول میں  63دن کا مَدَنی تربیتی کورس کروایا جاتا ہے ،  جس سے بن پڑے وہ یہ مفید ترین مَدَنی تربیتی کورس ضَرور کرے ، آپ کی ترغیب وتحریص  (تَح۔ رِیص )  کے لئے ایک مَدَنی بہار پیش کی جاتی ہے ،  چنانچِہ ایک اسلامی بھائی کے بیان کا خلاصہ ہے:  ہمارے عَلا قے کا ایک نوجوان جو کہ والِدَین کا اِکلوتا (یعنی ایک ہی)  بیٹا تھا،  غَلَط صحبت کے سبب چَرَس کا عادی بن گیا،  گھر سے باہَر رَہنا اس کا معمول تھا ،  والِد صاحِب اکثر اُس کو قبرِستان جا کر چرسیوں  کے درمیان سے اُٹھا کرگھر لاتے ۔ تمام گھر والے اُس کے سبب پریشان تھے ۔ ایک دن ایک اسلامی بھائی نے اُس نوجوان پر اِنفِرادی کوشِش کرتے ہوئے اُسے مَدَنی تربیتی کورس کرنے کی ترغیب دی ، خوش قسمتی سے اُس نے ہامی بھر لی اور تبلیغِ قراٰن وسنّت کی عالمگیر غیر سیاسی تحریک دعوتِ اسلامی کے عالَمی مَدَنی مرکز فیضانِ مدینہ میں  آگیا۔ گھر میں  خوشی کی لہر دوڑ گئی! سبھی گھروالے دُعا کررہے تھے کہ یہ نیک بن جائے مگر اب بھی ڈرے ہوئے تھے کہ کہیں  یہ واپَس نہ آجائے۔ اَلْحَمْدُلِلّٰہ عَزَّ وَجَلَّچند دنوں  بعد کچھ اِس طرح فون آیا کہ   ’’ تربیّتی کورس اور فیضانِ مدینہ میں  بَہُت مزا آرہا ہے ، فیضانِ مدینہ میں  ایسا لگتا ہے کہ مدینۂ منوَّرہ زَادَھَا اللہُ شَرَفاً وَّ تَعْظِیْماًسے براہِ راست فیض آ رہا ہے، میں  نے اپنے تمام گناہوں  سے توبہ کر لی ہے،  اب میں  باجماعت نَمازیں  ادا کررہا ہوں ،  سنّتیں  سیکھ رہا ہوں  اور مجھے بَہُت سُکون مل رہا ہے۔ ‘‘ اَلْحَمْدُلِلّٰہ عَزَّ وَجَلَّ مَدَنی تربیتی کورس سے واپَسی پر وہ واقِعی بالکل بدل چکا تھا۔ اُس کی حیرت انگیز تبدیلی سے سب گھر والے بلکہ سارا مَحَلّہ حیران تھا ۔ چِہرے پر نور برساتی داڑھی اورسر پرسبز عمامہ شریف کا تاج جگمگا رہا تھا۔ اُس نے آ تے ہی گھر والوں  پر بھی اِنفِرادی کوشِش شُروع کردی جس کی بَرَکت سے والِد صاحِب نے چِہرے پر داڑھی اور سر پر عمامہ شریف کا تاج سجالیا اور پابندی سے ہفتہ وار سنّتوں  بھرے اِجتِماع میں  شرکت فرمانے لگے۔ والِدَۂ محترمہ   ’’ درسِ نِظامی ‘‘ اوربہن   ’’ شریعت کورس ‘‘ کرنے کیلئے کمر بَستہ ہو گئیں ۔اُس نوجوان کے والِد صاحِب نے مبلِّغ دعوتِ اسلامی کو کچھ اِس طرح بتایا کہ میں  دعوتِ اسلامی والوں  کیلئے بَرَکت کی دُعا کرتا ہوں  ، خُصوصاً ان کیلئے جنہوں  نے میرے بیٹے پَر   ’’ اِنفِرادی کوشِش ‘‘ کی اور63دن کے مَدَنی تربیتی کورس میں  ہاتھوں  ہاتھ لے گئے کیونکہ ہم اِس کی عادَتوں  سے بَہُت پریشان تھے،  اس کی والِدہ تو اتنی بیزار ہوچکی تھی کہ ایک دن جذبات سے مغلوب ہو کرکیڑے مکوڑے مارنے کی دوائی اُٹھا لائی کہ یا تو میں  کھاکر مرجاؤں  گی یااس کو کِھلا کر ماردوں  گی ۔ اب اس کی والِدہ رو رو کر دعائیں  دیتی ہیں  کہ اللہ عَزَّ وَجَلَّدعوتِ اسلامی والوں  کو سلامت رکھے کہ ان کی کوششوں  سے میرا بگڑا ہوا بیٹا نیک بن گیا۔

اگر سُنّتیں  سیکھنے کا ہے جذبہ     تم آجاؤ دیگا سکھا مَدَنی ماحول

تُو داڑھی بڑھا لے عمامہ سجا لےنہیں ہے یہ ہرگز بُرا مَدَنی ماحول

                                                (وسائلِ بخشش ص۶۰۴)

صَلُّوا عَلَی الْحَبِیْب!                                                صَلَّی اللہُ تَعَالٰی عَلٰی مُحَمَّد

یہ رسالہ پڑھ کر دوسرے کو دے دیجئے

شادی غمی کی تقریبات، اجتماعات، اعراس اور جلوسِ میلاد و غیرہ میں مکتبۃ المدینہ کے شائع کردہ رسائل اور مدنی پھولوں پر مشتمل پمفلٹ تقسیم کرکے ثواب کمائیے  ،  گاہکوں کو بہ نیتِ ثواب تحفے میں دینے کیلئے اپنی دکانوں پر بھی رسائل رکھنے کا معمول بنائیے ،  اخبار فروشوں یا بچوں کے ذریعے اپنے محلے کے گھر گھر میں ماہانہ کم از کم ایک  عدد سنتوں بھرا رسالہ یا مدنی پھولوں کا پمفلٹ پہنچاکر نیکی کی دعوت کی دھومیں مچائیے اور خوب ثواب کمائیے۔

                                                                              غمِ مدینہ و بقیع و مغفرت و

    بے حساب  جنّت الفردوس  میں آقا کے پڑوس کا طالب

                                                                               

18 شعبان المعظم ۱۴۳۳ھ

ماخذ و مراجع

کتاب

مطبوعہ

کتاب

مطبوعہ

قراٰن پاک

مکتبۃالمدینہ باب المدینہ کراچی

ابنِ عساکر

دارالفکربیروت

ترجمۂ کنز الایمان

مکتبۃالمدینہ باب المدینہ کراچی

مبسوط

دارالکتب العلمیہ بیروت

تفسیرخازن

مصر

تبیین الحقائق

دار الکتب العلمیہ بیروت

حاشیۃ الصاوی علی الجلالین

دارالفکربیروت

حاشیۃ الطحطاوی علی الدرالمختار

کوئٹہ

تفسیرخزائن العرفان

مکتبۃالمدینہ باب المدینہ کراچی

درمختا ر

 دار المعرفہ بیروت

 بُخاری

دار الکتب العلمیہ بیروت

جوہرہ نیرہ

باب المدینہ کراچی

 مسلم

دار ابن حزم بیروت

فتاوٰی عالمگیری

دار الفکر بیروت

 ابو داود

دار احیاء التراث العربی بیروت

فتاوٰی رضویہ

رضا فاؤنڈیشن مرکز الاولیاء لاہور

 ترمذی

دار الفکر بیروت

 مکاشفۃ القلوب

دار الکتب العلمیہ بیروت

 نسائی

دار الکتب العلمیہ بیروت

بہارِ شریعت

مکتبۃ المدینہ باب المدینہ

شرح صحیح مسلم

دار الکتب العلمیہ بیروت

 اتحاف السادہ

دار الکتب العلمیہ بیروت

مراٰۃ المناجیح

ضیاء القراٰن پبلی کیشنز مرکز الاولیاء لاہور

تذکرۃالواعظین

پشاور

جمع الجوامع

دار الکتب العلمیہ بیروت

وسائل بخشش

مکتبۃالمدینہ باب المدینہ کراچی

 



Total Pages: 11

Go To