Book Name:Dam Dam Dastgeer
وِلادت کی خبریں سُناتے آئے ہیں ۔
جو ولی قبل تھے، بعد ہوئے یا ہوں گے
سب ادب رکھتے ہیں دِل میں مِرے آقا تیرا([1])
*پیارے آقا صلی اللہ عَلَیْہِ وَ آلِہٖ وَسَلَّم کی وِلادتِ پاک سے پہلے آپ کے والِدِ محترم دُنیا سے تشریف لے گئے تھے، غوثِ پاک رحمۃُ اللہ علیہ کے والِد صاحِب بھی جلد ہی پردہ فرما گئے تھے *پیارے آقا صَلَّی اللہ عَلَیْہِ وَ آلِہٖ وَ سَلَّم اَخْلاقی اچھائیوں کو کمال تک پہنچانے کے لیے تشریف لائے، حُضُور غوثِ پاک بھی ساری زندگی اَخْلاقیات ہی کا دَرْس دیتے رہے *پیارے آقا صَلَّی اللہ عَلَیْہِ وَ آلِہٖ وَ سَلَّم مُعَلِّم بن کر تشریف لائے، سرکار غوثِ پاک کی بھی ساری زندگی دِین کا دَرْس دیتے، قرآن و سُنّت پڑھتے، پڑھاتے گزری *پیارے آقا صَلَّی اللہ عَلَیْہِ وَ آلِہٖ وَ سَلَّم نے جب پردہ فرمایا تو صحابہ کی تعداد ایک لاکھ سے زیادہ تھی، یونہی غوثِ پاک رحمۃُ اللہ علیہ کا وِصال ہوا، اس وقت تک آپ کے مدرسہ سے ایک لاکھ سے زیادہ طلبا فراغت پا چکے تھے *جیسے پیارے آقا صَلَّی اللہ عَلَیْہِ وَ آلِہٖ وَ سَلَّم نبیوں میں بےمثل و بےمثال ہیں، یونہی غوثِ پاک رحمۃُ اللہ علیہ ولیوں میں اپنی مثال نہیں رکھتے *غرض؛ حُضور غوثِ پاک رحمۃُ اللہ علیہ وہ شان والے وَلِی ہیں کہ آپ کی سیرتِ پاک میں فیضانِ مصطفےٰ پُورے طور پر دکھائی دیتا ہے۔
سیدی اعلیٰ حضرت بڑے پیارے انداز میں بیان فرماتے ہیں:
مصطفےٰ کے تن ِبے سایہ کا سایہ دیکھا جس نے دیکھامِری جاں جلوۂ زیبا تیرا