کے آقا) ہیں، آپ فُلاں سے ملنے جا رہے ہیں (یعنی چاہئے تو یہ کہ وہ آپ سے ملنے حاضِر ہو)؟ پیارے اور آخری نبی، رسولِ ہاشمی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ   نے جلال بھرے انداز میں فرمایا: اے اِبْنِ نعمان! ادب کرو! وہ شخص ہمارا میلاد مناتا ہے۔

یہ سُن کر علّامہ اِبْنِ نعمان رَحْمَۃُ اللہِ تَعَالٰی عَلَیْہِ کچھ سنبھلے اور عرض کیا: اے روزِ قیامت شفاعت فرمانے والے آقا (صَلَّی اللہُ تَعَالٰی عَلَیْہِ وَاٰلِہٖ وَسَلَّمَ  )! میری جان آپ پر فِدا ہو...!! اُس کے میلاد منانے کے سبب آپ اس سے بہت خوش ہیں؟ فرمایا: اے اِبْنِ نعمان! جو ہم سے خوش ہوتا ہے، ہم بھی  اس سے خوش ہوتے ہیں۔^([1])    

صَلُّوْا عَلَی الْحَبیب!                                                 صَلَّی اللہ  عَلٰی مُحَمَّد

 اے عاشقانِ رسول ! الحمد للہ ! الحمد للہ ! ماہِ مبارک، ماہِ نُور، یعنی ماہِ رَبِیْعُ الْاَوَّل چونکہ حُضُور پُر نُور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ   کی وِلادتِ باسَعَادت کا مہینا ہے، اس لئے اس ماہِ مبارک کے تشریف لاتے ہی پیارے پیارے آقا، مکی مدنی مصطفےٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ   کے دیوانوں میں خوشی کی لہر دوڑ جاتی ہے، بوڑھا ہو یا جوان ہر حقیقی مسلمان گویا دِل کی زبان سے بول اُٹھتا ہے:

نثار تیری چہل پہل پر ہزار عیدیں ربیعُ الاوّل

سوائے اِبلیس کے جہاں میں سبھی تو خوشیاں منا رہے ہیں

اللہ  پاک ہمیں اس مبارک مہینے کی برکتیں نصیب فرمائے، ہم بھی جشنِ وِلادت کی خوشی میں چراغاں کریں، گھر سجائیں، گلیاں سجائیں، خوب تلاوتِ قرآن کریں، درودِ پاک کی کثرت کریں، ذِکْرِ محبوب کی محفلیں سجائیں، گُنَاہوں سے بچتے ہوئے، شریعت کے