مطابق شیرینی وغیرہ تقسیم کر دیجئے! اگر شیرینی بھی مُیَسَّر نہ ہو تو کوئی بات نہیں، جو مُیَسَّر ہو، وہی سہی، میلاد منانے کے لئے لنگر یا شیرینی وغیرہ ضروری بھی نہیں ہے، اللہ  پاک کی بارگاہ میں پیسہ اور اہتمام نہیں بلکہ دِل کا اِخْلاص قبول ہوتا ہے۔  لہٰذا اللہ  پاک نے جو توفیق بخشی ہے، شرکائے محفل کی خِدْمت میں پیش کر دیجئے! میلاد کی محفل ہو جائے گی، اس کے صدقے اِنْ شَآءَ اللہ  الْکَرِیْمْ! سارا سال گھر میں برکت رہے گی۔

میلاد منانا بھی تعظیمِ مصطفےٰ میں شامِل ہے

پارہ: 26، سورۂ فتح، آیت: 8 اور 9 میں اللہ  پاک فرماتا ہے:

اِنَّاۤ اَرْسَلْنٰكَ شَاهِدًا وَّ مُبَشِّرًا وَّ نَذِیْرًاۙ(۸) لِّتُؤْمِنُوْا بِاللّٰهِ وَ رَسُوْلِهٖ وَ تُعَزِّرُوْهُ وَ تُوَقِّرُوْهُؕ-وَ تُسَبِّحُوْهُ بُكْرَةً وَّ اَصِیْلًا(۹) (پارہ:26،سورۂ فتح:8 - 9)                                                                                                                                                   

ترجَمہ کنز العرفان :                     بیشک ہم نے تمہیں گواہ اور خوشخبری دینے والا اور ڈر سنانےبناکر بھیجا،تاکہ (اے لوگو!) تم اللہ  اور اس کے رسول پر ایمان لاؤ اور رسول کی تعظیم و توقیر کرو اور صبح و شام اللہ  کی پاکی بیان کرو ۔

                             اس آیت کریمہ میں اللہ  پاک نے ہم مسلمانوں کو رسولِ اکرم، نورِ  مُجَسَّم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ   کی خُوب تعظیم  و توقیر کا حکم دیا ہے، علّامہ اسماعیل حَقی رَحْمَۃُ اللہِ تَعَالٰی عَلَیْہِ فرماتے ہیں: سرکارِ عالی وقار، مکی مدنی تاجدار صَلَّی اللہُ تَعَالٰی عَلَیْہِ وَاٰلِہٖ وَسَلَّمَ   کے میلاد کی محفل سجانا بھی آپ کی تعظیم و توقیر  میں شامِل ہے۔^([1])