پڑھنے کی توفیق نصیب ہو جائے۔ اگر ہم کَثْرت سے درودِ پاک پڑھنے کی عادَت (Habit) بنا لیں تو اِنْ شَآءَ اللہ الْکَرِیْم ! مدینے کی حاضِری بھی نصیب ہو ہی جائے گی۔ اللہ پاک ہمیں کثرت سے درودِ پاک پڑھنے کی توفیق نصیب فرمائے۔ آئیے ! بارگاہِ رسالت میں درخواست پیش کرتے ہیں :

مجھے مدینے کی دو اجازت                                                                                      نبئ رحمت ، شفیعِ اُمّت

پِلاؤ بُلوا کے جامِ اُلْفت                                                                                              نبئ رحمت ، شفیعِ اُمّت

قلیل روزی پہ دو قناعت                                                                                    فضول گوئی سے دیدو نفرت

درود پڑھتا رہوں بکثرت                                                                                    نبئ    رحمت ،    شفیعِ    اُمّت^([1])

صَلُّوا عَلَی الْحَبیب !                                                صَلَّی اللہ عَلٰی مُحَمَّد

بیان سننے کی نیتیں

حدیثِ پاک میں ہے : اَفْضَلُ الْعَمَلِ اَلنِّيَّةُ الصَّادِقَةُ سچی نیت  اَفْضَل تَرین عَمَل ہے۔^([2])

اے عاشقانِ رسول ! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کروا دیتی ہے۔ بیان سننے سے پہلے بھی اچھی اچھی نیتیں کر لیجئے ! مثلاًنیت کیجئے ! * عِلْمِ دِین سیکھنے کے لئے پورا بیان سُنوں گا * بااَدب بیٹھوں گا * اپنی اِصْلاح کے لئے بیان سُنوں گا * جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب !                                                صَلَّی اللہ عَلٰی مُحَمَّد

ایک مَجذوب کی نصیحت

شیخِ طریقت ، امیر اہلسنت دَامَت بَرَکَاتُہمُ الْعَالِیَہ کے پِیر صاحِب سیدی قُطْبِ مَدِیْنَہ مولانا