ہوئے آئے ، اپنے باطِل خدا کا حال بے حال دیکھا تو غصے میں حضرت ابو بکر رَضِیَ اللہُ عنہ کو ایک تھپڑ لگایا اور بازو سے پکڑ کر گھر لے گئے ، آپ کی والدہ کو جا کر کہا : دیکھو ! آج تمہارے لال نے یہ کارنامہ کیا ہے ۔ آپ کی والدہ محترمہ نے سارا واقعہ سُنا تو کہا : میرے بیٹے کو چھوڑ دیجئے ! اس کا کوئی قصور نہیں ، جب یہ پیدا ہوا تھا تو غیب سے آواز آئی تھی : یَا اَمَۃَ اللہِ عَلَی التَّحْقِیْقِ اے اللہ پاک کی سچی بندی ! اِبْشِرِیْ بِالْوَلَدِ الْعَتِیْقِ آزاد بیٹا مبارک ہو ! اِسْمُہٗ ِفی السَّمَاءِ الصِّدِّیْق آسمان میں اس کا نام صدیق ہے ، وَلِمُحَمَّدٍ صَاحِبٌ وَّرَفِیْق اور یہ مُحَمَّد صَلَّی اللہُ عَلیہ وَآلہٖ و َسَلّم   کا دوست ہے۔

یقینا مَنْبَعِ خوفِ  خدا صدیقِ اکبر ہیں           حقیقی عاشق خَیْرُ الوَریٰ صدیقِ اکبر ہیں

جو یارِ غارِ محبوبِ خدا صدیقِ اکبر ہیں         وہی یارِ مزارِ مصطفےٰ صدیقِ اکبر ہیں ^{( [1] )}

اَمِیْرُ الْمُؤْمِنِیْن حضرت ابو بکر صدیق رَضِیَ اللہُ عنہ نے اپنے بچپن شریف ( Childhood )  کا یہ واقعہ خود اپنی زبانی  نور کے پیکر ، نبیوں کے تاجور صَلَّی اللہُ عَلیہ وَآلہٖ و َسَلّم کی موجودگی میں ، صحابۂ کرام علیہمُ الرّضوان کے سامنے سُنایا ، جب مکمل سُنا چکے تو حضرت جبریلِ امین عَلَیْہِ السَّلام حاضِر ہوئے اور 3 مرتبہ کہا : صَدَقَ اَبُو بَکْرٍ ابو بکر نے سچ کہا۔ صَدَقَ اَبُو بَکْرٍ ابو بکر نے سچ کہا۔صَدَقَ اَبُو بَکْرٍ ابو بکر نے سچ کہا۔ ^{( [2] )}  

اَصْدَق ُالصَّادِقِیں سَیِّدُ الْمُتْقِیں                                                            چشم و گوشِ وِزارت پہ لاکھوں سلام ^{( [3] )}

وضاحت : یعنی سچوں میں سچے ، اَہْلِ تقویٰ کے سردار ، وزیرِ مصطفےٰ ،  حضرت صِدِّیقِ اکبر  رَضِیَ اللہُ عنہ  پر لاکھوں سلام ہوں۔