سےبڑھ کر شان والے صحابی اور آپ صَلَّی اللہُ عَلیہ وَآلہٖ و َسَلّم کے  ساتھ رہنے والے صحابی حضرت صدیق اکبر  رَضِیَ اللہُ عنہ ہیں۔

صِدِّیقِ اکبر رَضِیَ اللہُ عنہ ہمیشہ سے مسلمان ہیں

اے عاشقانِ رسول ! حضرت ابو بکر صِدِّیق رَضِیَ اللہُ عنہ کے ایمان کی کیا شان ہے کہ آپ بچپن ہی سے مؤمن تھے۔اعلیٰ حضرت ، امامِ اہلسنت رَحمۃُ اللہِ عَلَیْہ فرماتے ہیں : 2صحابہ  ( 1 ) : ایک حضرت ابو بکر صدیق رَضِیَ اللہُ عنہ ( 2 ) : دوسرے مولائے کائنات مولا علی رَضِیَ اللہُ عنہ ، یہ  دونوں عالَمِ اَرْواح میں جب تمام روحوں نے اللہ پاک کے رَبّ ہونے کا اِقْرار کیا تھا ، اس وقت سے لے کر دُنیا میں پیدا ہونے تک ، دُنیا میں پیدا ہونے سے لے کر لڑکپن تک ، لڑکپن ( Boyhood )  سے لے کر نبی کریم صَلَّی اللہُ عَلیہ وَآلہٖ و َسَلّم کے اعلانِ نبوت فرمانے تک ، نبی کریم صَلَّی اللہُ عَلیہ وَآلہٖ و َسَلّم  کے اعلانِ نبوت سے وفات تک ، وفات سے ہمیشہ ہمیشہ تک مسلمان تھے اورمسلمان ہیں ، کبھی ، کسی وقت ، کسی حال میں ایک لمحے کے لئے بھی ان دونوں کے پاک ، طیِّب دامنوں سے کفر و شرک کی ناپاکی نہ کبھی لگی ہے ، نہ قیامت تک لگے گی۔ ^{( [1] )}  

بہتری جس پہ کرے فخر وہ بہتر صِدِّیق       سروری جس پہ کرے ناز وہ سرور صِدِّیق

سارے اَصْحابِ نبی تارے ہیں اُمَّت کے لئے        ان ستاروں میں بنے مِہْرِ مُنَوَّر صِدِّیق ^{( [2] )}

وضاحت : ہر بہتری صدیق اکبر رَضِیَ اللہُ عنہ پر ناز کرتی ہے ، اور بادشاہی بھی آپ پر ناز کرتی ہے۔نبیِ رحمت ، شفیعِ اُمَّت  صَلَّی اللہُ عَلیہ وَآلہٖ و َسَلّم کے تمام صحابہ کرام علیہمُ الرّضوان  اس اُمَّت کے لئے راہنما ہیں جبکہ ان صحابہ کے بھی سردار حضرت ابوبکر صدیق رَضِیَ اللہُ عنہ ہیں۔