Shan e Iman e Siddique

سُبْحٰنَ اللہ ! پیارے اسلامی بھائیو ! دیکھا آپ نے حضرت ابو بکر صِدِّیق رَضِیَ اللہُ عنہ کا مبارک ایمان کتنا کامِل اور یقین کتنا پختہ ( Firm ) ہے ، گھر میں ایک دانہ بھی نہ چھوڑا ، سارا مال سمیٹ کر بارگاہِ رسالت میں پیش کر دیا اور یقین ، اطمینان ( Contentment ) اور تَوَکُّل دیکھئے ! عرض کرتے ہیں : یارسولَ اللہ صَلَّی اللہُ عَلیہ وَآلہٖ و َسَلّم ! اَہْلِ خانہ ( Family ) کے لئے اللہ اور اس کا رسول ہی کافِی ہے۔ حضرت ابوبکر صِدِّیق رَضِیَ اللہُ عنہ خود فرماتے ہیں : جس دِن سے میں نے ( پارہ : 12 ، سورۂ ہود کی ) یہ آیت :

وَ مَا مِنْ دَآبَّةٍ فِی الْاَرْضِ اِلَّا عَلَى اللّٰهِ رِزْقُهَا ( پارہ : 12 ، ھود : 6 )

ترجَمہ کنز الایمان : اور زمین پر چلنے والا کوئی ایسا نہیں جس کا رِزق اللہ کے ذمّہ کرم پر نہ ہو۔

پڑھ لی ہے ، خُدا کی قسم ! میں نے روزی کی فِکْر کرنا چھوڑ دی۔^{( ^[1] )}

اللہ پاک صِدِّیقِ اکبر رَضِیَ اللہُ عنہ کے صدقے ہمیں بھی ایسا یقین ، پختہ ایمان نصیب فرمائے۔

آمِیْن بِجَاہِ خَاتَمِ النَّبِیّٖنَ صَلَّی اللہُ عَلیہ وَآلہٖ و َسَلّم ۔

یقیناً مَنبعِ خوفِ خدا صِدّیقِ اکبر ہیں حقیقی عاشقِ خیرُالورٰی صدّیقِ اکبر ہیں

بِلا شک پیکرِ صبر و رِضا صدّیقِ اکبر ہیں

نہایت مُتقی و پارسا صِدّیقِ اکبر ہیں

امیرالمؤمنیں ہیں آپ امامُ المُسلمیں ہیں آپ یقیناً مخزنِ صِدق و وفا صدّیقِ اکبر ہیں

تقی ہیں بلکہ شاہِ اَتقیا صِدّیقِ اکبر ہیں

نبی نے جنّتی جن کو کہا صدّیقِ اکبر ہیں⁽[2]⁾

[1]... کتاب اللمع ، صفحہ : 172۔

[2]... وسائِلِ بخشش ، صفحہ : 565 ملتقطاً۔

Important

Mobile Apps

Contact Us