ہے ) ۔ 

اے عاشقان صحابہ و اَہْلِ بیت ،  اے عاشقانِ امام حُسَیْن ! امام حُسَیْن رَضِیَ اللّٰہُ عَنْہُ کے اس ایمان افروز خطبے کا ایک ایک لفظ بتا رہا ہے کہ امام حُسَیْن رَضِیَ اللّٰہُ عَنْہُ لَادِیْنِیَّت کے خِلاف لڑے تھے ،  امام حُسَیْن رَضِیَ اللّٰہُ عَنْہُ ظُلْم کے خِلاف تھے ،  امام حُسَیْن رَضِیَ اللّٰہُ عَنْہُ گُنَاہ کے مُخَالِف تھے ،  امام حُسَیْن رَضِیَ اللّٰہُ عَنْہُ دِیْن کے مُحَافِظْ تھے اور ہم الحمد للہ !  حسینی ہیں ،  ہم الحمد للہ !  امام حُسَیْن رَضِیَ اللّٰہُ عَنْہُ کے غُلام ہیں ،  ہم حُسَیْنِیَّت کو پسند کرتے ہیں ،  ہم یزیدیت سے نفرت کرتے ہیں۔

اب ذرا اِنْصَاف کے ساتھ ہم اپنے متعلق غور کریں ،  کیا ہمارا وُجُود ہمارے حسینی ہونے کی گواہی دیتا ہے ،  کیا ہمارا لباس ہمارے حسینی ہونے کی گواہی دیتا ہے ،  ہمارا چہرہ ،  ہمارا اندازِ زندگی ،  ہمارے طَور طریقے یہ سب کیا ہمارے حسینی ہونے کی گواہی دے رہے ہیں؟ اگر نہیں دے رہے تو  اے عاشقانِ رسول ! اے عاشقان صحابہ و اَہْلِ بیت ،  اے عاشقانِ امام حُسَیْن ! غور کیجئے !  ہم کس کی طرف ہیں؟ امام حُسَیْن رَضِیَ اللّٰہُ عَنْہُ کی اَصْل جنگ ہی لَادِینِیَّت کے خِلاف تھی ،  کیا آج حسینی کہلانے والے ،  امام حُسَیْن رَضِیَ اللّٰہُ عَنْہُ کی غُلامی کا دَم بھرنے والے لَادِیْنِیَّت کے فروغ میں حِصَّہ دار نہیں بَن رہے؟ یزید کیا کرتا تھا؟  یزید بَدکردار تھا ،  کیا ہمارے معاشرے میں بدکاری اور بدکرداری فروغ نہیں پا رہی؟ یزید مادَر پِدَر آزادی  ( دِیْن سے لاتَعَلُّق ہو جانا )  چاہتا تھا ،  کیا ہمارے معاشرے میں یہ آزادی فروغ نہیں پا رہی؟ یزید بےحیاء تھا ،  کیا ہمارے معاشرے میں بےحیائی عام نہیں ہوتی جا رہی؟ یزید نمازوں سے بےپرواہ تھا ،  کیا آج نمازوں سے بےپروائی نہیں برتی جا رہی؟ مسجدیں وِیران ہو رہی ہیں ،  گُنَاہوں کے اڈے آباد ہو رہے ہیں ،  بے ایمانی ،  دونمبری ،  بدکاری ،  گُنَاہ ،  ظُلْم ،