ہیں ،  اگر تفصیل کے ساتھ ،  درست روایات  کی روشنی میں واقعۂ کربلا پڑھنا چاہیں تو مکتبۃ المدینہ کی 2 کتابیں  ” سوانحِ کربلا “  اور  ” آئینۂ قیامت “  پڑھ لیجئے۔ آج ہم اِنْ شَآءَ اللہ الْکَرِیْم !  واقعۂ کربلا سے حاصِل ہونے والے چند سبق سیکھنے کی سعادت حاصِل کریں گے ، ہم الحمدللہ !  حُسَیْنی ہیں ،  الحمد للہ !  ہم یزید سے ،  یزیدیت سے بیزار تھے ،  بیزار ہیں اور بیزار رہیں گے ،  لہٰذا آج ہم امام حُسَین رَضِیَ اللّٰہُ عَنْہُ کی سیرتِ پاک سے ،  واقعۂ کربلا سے حاصِل ہونے والے مدنی پھول سُن کر ، انہیں اپنے دِل کے گلدستے میں سجانے کی کوشش کریں گے تاکہ اِن پر عَمَل کر کے سچّے اور پکّے حسینی ہونے کا ثبوت دے سکیں۔

 ( 1 )  :  جذبہ اِیْمانی حکمتِ عملی کے ساتھ

پہلا مدنی پھول جو امام حُسَیْن رَضِیَ اللّٰہُ عَنْہُ کی سیرتِ پاک سے سیکھنے کو ملتا ہے ،  وہ ہے :  جذبۂ اِیْمانی مع حکمتِ عَمَلی۔ عام طَور پر جس انداز سے اور جن مواقع پر امام حُسَیْن رَضِیَ اللّٰہُ عَنْہُ  کا حوالہ دیا جاتا ہے ،  اس سے یُوں لگتا ہے ،  جیسے امام حُسَیْن رَضِیَ اللّٰہُ عَنْہُ مَعَاذَ اللہ بہت جَوشیلے تھے ،  لہٰذا جیسے ہی یزید پلید تختِ حکومت پر آیا ،  آپ جوش میں آکر ،  72 ساتھیوں کے ساتھ میدانِ کربلا میں پہنچے اور یزیدیوں کے خِلاف لڑتے لڑتے شہید ہو گئے۔ حالانکہ ایسی بات نہیں ہے ،  امام حُسَین رَضِیَ اللّٰہُ عَنْہُ جذبۂ اِیْمانی والے تھے ،  امام حُسَیْن رَضِیَ اللّٰہُ عَنْہُ قرآن پڑھتے بھی تھے ،  قرآن سمجھتے بھی تھے ،  حدیث پڑھتےبھی تھے ،  حدیث سمجھتے تھے ،  امام حُسَیْن رَضِیَ اللّٰہُ عَنْہُ دِین کے رازوں کو سمجھتے تھے ،  دِین کی کامِل سمجھ بُوجھ رکھنے والے تھے ،  اس لئے امام حُسَیْن رَضِیَ اللّٰہُ عَنْہُ کا جذبہ خالی جذبہ نہیں تھا بلکہ امام حُسَیْن رَضِیَ اللّٰہُ عَنْہُ کا جذبہ جذبۂ اِیْمانی تھا ،  امام حُسَیْن رَضِیَ اللّٰہُ عَنْہُ کی شہادت تو اَزَل سے لکھی ہوئی تھی ،  آپ