کی۔ ( ابن ماجہ ، کتاب السنۃ ، باب فی فضائل اصحاب رسول اللہ ، ۱/۹۶ ،  حدیث : ۱۴۳ )

ارشاد فرمایا :  هُمَا رَيْحَانَتَايَ مِنَ الدُّنْيَا یعنی حَسَن وحُسَین ( رَضِیَ اللہ  عَنْہُمَا  ) دُنیا میں میرے دو  ( 2 ) پُھول ہیں۔ (  بخاری ، کتاب فضائل اصحاب النبی ، باب مناقب الحسن والحسین ،  الحدیث : ۳۷۵۳ ، ج۲ ، ص۵۴۷ )

ارشاد فرمایا : اَلْحَسَنُ وَالْحُسَيْنُ سَيِّدَا شَبَابِ اَهْلِ الْجَنَّةِیعنی حَسَن اورحُسَین ( رَضِیَ اللہ  عَنْہُمَا ) جَنَّتی نوجوانوں کے سردار ہیں۔  ( ترمذی  ، ۵ /۴۲۶ ،  حدیث : ۳۷۹۳ )   

حَسَنَیْنِ کَرِیْمَیْن سے مَحَبَّت واجب ہے  : 

حضرت عَبْدُاللہ بن عباس رَضِیَ اللہ  عَنْہُمَا فرماتے ہىں : جب ( پارہ25سورۃ الشُّوریٰ کی ) یہ آىتِ مُبارَکہ نازِل ہُوئی :

قُلْ لَّاۤ اَسْــٴَـلُكُمْ عَلَیْهِ اَجْرًا اِلَّا الْمَوَدَّةَ فِی الْقُرْبٰىؕ     ( پ۲۵ ، الشُّوریٰ : ۲۳ ) ” ترجَمۂ کَنْزُ الْعِرْفَان :  تم فرماؤ : میں  اس پر تم سے کوئی مُعاوَضہ طلب نہیں  کرتامگر قرابت کی محبت “ تو صَحابۂ کِرام عَلَیْہِمُ الرِّضْوَان  نے عَرْض کى :  یَارَسُوْلَاللہ  صَلَّی اللہ  عَلَیْہِ واٰلہٖ وسلَّم ! آپ کے وہ کون سے قَرابَت دار ہىں ، جن سے مَحَبَّت کرنا ہم پر واجب ہے ؟ تو آپ صَلَّی اللہ  عَلَیْہِ واٰلہٖ وسلَّم نے ارشاد فرماىا : عَلِىُّ الْمُرْتَضٰی ، فاطِمَۃُ الزَّہْرا ( رَضِیَ اللہ  عَنْہُمَا ) اوران کے دونوں بىٹے ( یعنی حضرت امام حسن و امام حسىن  رَضِیَ اللہ  عَنْہُما ) ۔ ( معجم کبیر ،  باب الحاء ،  حسن بن علی بن ابی طالب  ، ۳/٤٧ ، حدیث : ۲۶۴۱ )

پیارے پیارے اسلامی بھائیو ! مَعلُوم ہُوا !  اَہْل ِ بیت رَضِیَ اللہ  عَنْہُم اجمعین کی مَحَبَّت واجب و ضَروری ہے  ، ہر مُسلمان کے نزدیک اپنی  جان و مال  ، عِزَّت و آبرو  ، ماں باپ اور اَولاد سے بھی  زِیادہ محبوب ،  ” اَہْلِ بیتِ کرام رَضِیَ اللہ  عَنْہُم اجمعین “ ہونے چاہئیں۔ان مبارک ہستیوں کی مَحَبَّت ، سَیّدِ عالَم صَلَّی اللہ  عَلَیْہِ واٰلہٖ وسلَّم کی مَحَبَّت ہے اورحُضُور صَلَّی اللہ  عَلَیْہِ واٰلہٖ وسلَّم کی مَحَبَّت ، اِیْمانِ کامل کی نِشانی