مشابہ تھے اور اِمامِ حسین رَضِیَ اللہ  عَنْہُ اِس سے نیچے کے حصے میں رسول اللہ صَلَّی اللہ  عَلَیْہِ واٰلہٖ وسلَّم کے بہت مشابہ تھے۔

حکیم الاُمَّت حضرت مُفتی احمد یارخان رَحْمَۃُ اللّٰہ ِ عَلَیْہ اس حدیثِ پاک کی شَرح میں فرماتے ہیں : خیال رہے کہ حضرت فاطمہ زہرا رَضِیَ اللہ  عَنْہَا از سرتا قدم ( سر مبارک سے قدم مبارک تک )  بالکل ہمشکلِ مصطفیٰ تھیں۔اورآپ ( رَضِیَ اللہ  عَنْہَا ) کے صاحبزادگان ( یعنی حسنینِ کریمین رَضِیَ اللہ  عَنْہُمَا ) میں یہ مشابہت تقسیم کر دی گئی تھی ، حضرت امام حسین  ( رَضِیَ اللہ  عَنْہُ ) کی پنڈلی قدم شریف تک اور ایڑی بالکل حضور صَلَّی اللہ  عَلَیْہِ واٰلہٖ وسلَّم کے مشابہ تھی ، حضور صَلَّی اللہ  عَلَیْہِ واٰلہٖ وسلَّم سے قدرتی مشابہت بھی اللہ کریم کی نعمت ہےجو اپنے کسی عمل کو حضور ( صَلَّی اللہ  عَلَیْہِ واٰلہٖ وسلَّم )  کے مشابہ کر دےتو اس کی بخشش ہو جاتی ہے ، تو جسے اللہ پاک اپنے محبوب ( صَلَّی اللہ  عَلَیْہِ واٰلہٖ وسلَّم ) کے مشابہ کرے ، اُس کی محبوبیت کا کیا حال ہو گا۔ ( مرآۃ المناجیح ،  8/480 )

صَلُّوْا عَلَی  الْحَبِیْب !                                                                                       صَلَّی اللہ  عَلٰی مُحَمَّد

شعبہ ٹرانسلیشن ڈیپارٹمنٹ : 

پیارے اسلامی بھائیو !  اَلْحَمْدُ لِلّٰہ عاشقانِ رسول کی دینی تحریک دعوتِ اسلامی اسّی  ( 80 )  سے زائد شعبہ جات میں نیکی کی دعوت کی دھومیں مچانے میں مصروفِ عمل ہے انہیں شعبہ جات میں سے ایک شعبہ  ” ٹرانسلیشن ڈیپارٹمنٹ  “ بھی ہے۔ اَلْحَمْدُ لِلّٰہ دعوتِ اسلامی کا پیغام دنیا کے کئی ممالک میں پہنچ چکا ہے ان مماملک میں نیکی کی دعوت عام  کرنے کے لئے ان میں بولی جانے والی زبان میں کتب و رسائل کی ضرورت تھی لہٰذا اس کام کو کرنے کے لئے  ” ٹرانسلیشن ڈیپارٹمنٹ “  کا قیام عمل میں لایا گیا۔ اس شعبے کا کام مکتبۃ المدینہ سے شائع ہونے والی مختلف کتب و رسائل کے جُدا جدا زبانوں میں تراجم کر کے انہیں دنیا کے کئی مَمالِک میں بھیجناہے۔ اَلْحَمْدُ لِلّٰہِ اس وقت دنیا کی تقریباً 36 زبانوں میں