تراجم ہو رہے ہیں۔مختلف زبانوں کے ترجمہ شُدہ  ان کتب و رسائل کو  دعوتِ اسلامی کی ویب سائٹ www.dawateislami.net سے پڑھا اور ڈاؤن لوڈ ( Download )  کیا جاسکتاہے۔

صَلُّوْا عَلَی الْحَبِیْب !                                            صَلَّی اللہ  عَلٰی مُحَمَّد

پیارے پیارے اسلامی بھائیو ! جب صَحابۂ کرام عَلَیْہِمُ الرِّضْوَان نےسرکار صَلَّی اللہ  عَلَیْہِ واٰلہٖ وسلَّم  کو اپنے اَہْلِ بیت  رَضِیَ اللہ  عَنْہُم اجمعین  اورپیارے نواسوں  رَضِیَ اللہ  عَنْہُما سے بے انتِہامَحَبَّت کرتے دیکھا تو آپ صَلَّی اللہ  عَلَیْہِ واٰلہٖ وسلَّم سے نسبت کی وجہ سے یہ حضرات بھی ان سے مَحَبَّت  وشَفْقَت سے پیش آتے اورآپ صَلَّی اللہ  عَلَیْہِ واٰلہٖ وسلَّم کے وصالِ ظاہری کےبعدبھی آپ صَلَّی اللہ  عَلَیْہِ واٰلہٖ وسلَّم کے اہلِ بیتِ اطہار  رَضِیَ اللہ  عَنْہُم اجمعین اور بالُخُصوص حَسَنَیْنِ کَرِیْمَیْن  رَضِیَ اللہ  عَنْہُما کا بے حد خَیال رکھاکرتے ،  چُنانچہ     

صدّیقِ اکبر کی اِمام ِحسن سے مَحَبَّت : 

 حضرت  ابوبکرصدّیق رَضِیَ اللہ  عَنْہُ جب مومنوں کے امیراور مسلمانوں کے خلیفہ مُنتَخَب ہُوئے تو رسولِ کریم صَلَّی اللہ  عَلَیْہِ واٰلہٖ وسلَّم سے تَعَلُّق کی وجہ سےآپ رَضِیَ اللہ  عَنْہُ  اہلِ بیتِ اطہار  رَضِیَ اللہ  عَنْہُم اجمعین کابہت خَیال رکھا کرتے اوراَہْلِ بیتِ اَطہار  رَضِیَ اللہ  عَنْہُم اجمعین کے بارے میں فرمایا کرتے تھے کہ ’’نبیِّ کریم ،  رؤفٌ رَّحیم  صَلَّی اللہ  عَلَیْہِ واٰلہٖ وسلَّم کےرشتہ دارمُجھے اپنے رشتہ داروں سے زیادہ پیارے ہیں۔ ‘‘ ( بخاری ،  کتاب المغازی ،  باب حدیث بنی نضیر  ، ۳ /۲۹ ،  حدیث :  ۴۰۳۶ )

فارُوقِ اعظم کی امامِ حُسین سے والِہانہ مَحَبَّت : 

                                                حضرت   امامِ حسین رَضِیَ اللہ  عَنْہُ  فرماتے ہیں : میں ایک دن اَمِیْرُالْمُومنین حضرت   عمر فارُوقِ اعظم رَضِیَ اللہ  عَنْہُ کے گھر گیا ، مگر آپ رَضِیَ اللہ  عَنْہُ ،  حضرت ا َمِیرِ مُعاوِیہ رَضِیَ اللہ  عَنْہُ کے ساتھ علیحدگی میں