27 Nimazun Ka Sawab

Al Quran Books Madani Channel

Magazine Courses Media

خلل پیدا کرے گا جبکہ اگر یہی بندہ باجماعت نماز ادا کرے تو جماعت میں کوئی بندہ اللہ پاک کا مقبول ہو گا ، کسی کو خشوع و خضوع کی نعمت نصیب ہو گی ، کسی میں عاجزی وانکساری زیادہ ہو گی ، کوئی زیادہ خوفِ خُدا والا ہو گا ، کوئی زُہد و تقویٰ والا ہو گا ، یُوں یہ تمام کیفیات مِل کر گویا ایک معجون کی صُورت اختیار کر جائیں گی ، پھر ایسی کیفیات کے ساتھ پڑھی ہوئی جو نماز ہو گی ، وہ اِنْ شَآءَ اللہُ الْکَرِیم! مُعَاشَرے کو بیماریوں سے پُوری طرح پاک کر دے گی ، دِل کو دُنیوی خواہشات سے ، بُرائی اور بےحیائی سے ، غفلت سے اور دیگر باطنی امراض سے پاک صاف کر دے گی۔ ^{(^[1])}حدیثِ پاک میں ہے : اَلشَّیْطَانُ مَعَ الْوَاحِد وَ مِنَ الْاِثْنَیْنِ اَبْعَد شیطان اکیلے کے ساتھ ہوتا ہے اور جب دو ہو جائیں تو اُن سے دُور رہتا ہے۔ ^{(^[2])} ایک حدیثِ پاک میں ہے : جو اللہ پاک کے لئے 40 دِن تکبیرِ اُوْلیٰ کے ساتھ باجماعت نماز پڑھے ، اس کے لئے 2 آزادیاں لکھی جائیں گی؛ ایک آزادی آگ (یعنی جہنّم) سے اور دوسری آزادی نِفَاق سے۔ ^{(^[3])}

اے عاشقان ِرسول ! خود اندازہ کر لیجئے! صحابۂ کرام عَلَیْہِمُ الرِّضْوَان کا مبارک دَور ، تابعین کا مبارک دَور ، تبع تابعین کا پاکیزہ دَور جب لوگ نمازِ باجماعت کا خوب اہتمام کیا کرتے تھے ، حتی کہ لوہار اپنا ہتھوڑا لوہے پر مارنے کے لئے اُٹھاتا ، اُدھر اذان کی آواز آجاتی تو ہتھوڑا لوہے پر مارنے کی بجائے یُوں ہی رکھ کر نماز کے لئے چل پڑتا تھا ، چمڑہ سلائی کرنے والا سُوئی چمڑے ہی میں چھوڑ کر مسجد کی طرف بڑھ جاتا تھا ، کسی کی مَصْرُوفیت اسے نمازِ باجماعت سے نہیں

[1]...جواہر البیان ، صفحہ : 83۔

[2]...ترمذی ، کتاب : الفتن ، صفحہ : 522 ، حدیث : 2165۔

[3]...ترمذی ، بابُ : الصّلوٰۃ ، صفحہ : 78 ، حدیث : 241۔

Important

Mobile Apps

Contact Us