وسَلَّم کی اپنی اُمَّت سے محبت کا حال بیان کرتے ہوئے  لکھتے ہیں :

تم کو تو غلاموں سے ہے کچھ ایسی  محبت            ہے ترکِ  ادب ! ورنہ کہیں ہم  پہ فدا ہو ^([1])

یعنی : یا رسولَ اللہ صَلّی اللہُ عَلَیْہ وآلِہ وسَلَّم! آپ کو اپنے غلاموں سے اتنی مَحبَّت ہے ، یہ ادب نہیں ہے ورنہ ہم کہیں کہ آپ اپنے غلاموں پر فِدا ہیں۔   

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

بیان سننے کی نیتیں :

حدیثِ پاک میں ہے : اَفْضَلُ الْعَمَلِ اَلنِّيَّةُ الصَّادِقَةُ سچی نیت  اَفْضَل تَرین عَمَل ہے۔ ^([2])

اے عاشقانِ رسول! ہر کام سے پہلے اچھی اچھی نیتیں کرنے کی عادَت بنائیے کہ اچھی نیت بندے کو جنَّت میں داخِل کر دیتی ہے۔ بیان سننے سے پہلے بھی اچھی اچھی نیتیں کر لیجئے! مثلاًنیت کیجئے! *عِلْم سیکھنے کے لئے پورا بیان سُنوں گا *بااَدب بیٹھوں گا *دورانِ بیان سُستی سے بچوں گا  *اپنی اِصْلاح کے لئے بیان سُنوں گا *جو سُنوں گا دوسروں تک پہنچانے کی کوشش کروں گا۔

صَلُّوْا عَلَی الْحَبیب!                                               صَلَّی اللّٰہُ عَلٰی مُحَمَّد

پیارے اسلامی بھائیو! شعبان المعظم کی مُبَارَک گھڑیاں ہیں ، عِبَادت و رِیَاضت کے خصوصی دِن چَل رَہے ہیں اَور وَقت ہے کہ تیزی کے ساتھ گزرتا جا رہا ہے  مگر آہ! ہم ہیں کہ سیدی اعلیٰ حضرت ، امامِ اہلسنت رَحمۃُ اللہِ عَلَیْہ کے بقول :

دِن بھر کھیلوں میں خاک اُڑائی             لاج آئی نہ ذَرَّوں کی ہنسی سے

شَب بھر سَونے ہی سے غرض تھی         تاروں نے ہزار دانت پیسے^([3])