Book Name:Siddique akbar ki zihanat
مسلمانان وو ، مسلمانان دي ، هيڅ كله ، يو ساعت ، په يو حال كښې دې دواړو ته د كفر و شِرك ناپاكي کله هُم نه ده لګيدلي ، او نه به ورته د قيامته پورې اولګي.[1]
د صِدِّيقِ رَضِیَ الله عَنْهُ اكبر اِيمان د ټولو نه افضل دے
يوه ورځ مكي مدني مصطفٰى صَلَّى اللهُ عَلَيْهِ وَاٰلِهٖ وَسَلَّم د حضرت ابوبكر صِدِّيق رَضِیَ الله عَنْهُ د ايمان درجه بيان كړه ، اوئې فرمائيل : كه د تَلې په يو چابړي كښې د ابوبكر اِيمان كيښودے شي ، په دويم چابړي كښې زما د ټول اُمَّت ايمان كيښودے شي ، لَرَجَحَ بِہِمْ د ابوبكر اِيمان به د ټول اُمَّت د اِيمان نه زيات شي.[2]
يو بل حديثِ پاك كښې ئې ارشاد فرمائيلي دي : د حضرت ابوبكر صِدِّيق رَضِیَ الله عَنْهُ فضيلت په دې وجه نه دے چې دوئي زيات لمُونځونه كوي ، په دې وجه هم نه دے چې دوئي روژے زياتې نيسي ، وَلٰکِنْ بِشَیْءٍ وُقِّرَ فِیْ قَلْبِہٖ بلكه د دوئي فضيلت د هٰغه څيز په وجه دے كوم چې د دوئي په زړه كښې ايښودے شوے دے.[3]
امام غزالي رَحْمَةُ اللهِ عَلَيْه فرمائي : دا يو راز وو كوم چې د ابوبكر صِدِّيق رَضِیَ الله عَنْهُ په زړه كښې ايښودے شوے وو ، دا راز هيڅ څوك هم نه شي معلومولے.[4] صُوفياء فرمائي : د دې راز په بركت د حضرت صِدِّيقِ اكبر رَضِیَ الله عَنْهُ نه داسې داسې بركات ظاهر شوي دي كوم