اوئې فرمائيل : ما د رَسُولُ الله صَلَّى اللهُ عَلَيْهِ وَاٰلِهٖ وَسَلَّم نه اوريدلي دي : د الله نبـي صَلَّى اللهُ عَلَيْهِ وَاٰلِهٖ وَسَلَّم چې په كوم ځائے وفات شي ، هم هغه ځائے به د هغوئي مزار جوړيږي. لِهٰذا د حُضُور صَلَّى اللهُ عَلَيْهِ وَاٰلِهٖ وَسَلَّم وصال د عائشه صِدِّيقه رَضِیَ الله عَنْها په كور كښې شوے دے ، مزار مبارك به ئې هم دلته جوړيږي. (2) د رَ سُولُ الله صَلَّى اللهُ عَلَيْهِ وَاٰلِهٖ وَسَلَّم د وراثت په مُعامَله كښې چې مشكل پيښ شو نو حضرت صِدِّيقِ اكبر رَضِیَ الله عَنْهُ د خپلې حافظے په قُوّت د دې حل هُم بيان كړو ، اُوئې فرمائيل : ما د آخري رسول صَلَّى اللهُ عَلَيْهِ وَاٰلِهٖ وَسَلَّم نه دا فرمان اوريدلے دے : بيشكه زمونږه د انبياؤ د ډلے ميراث نه وي ، مونږ چې څه پريږدو هغه صدقه ده.^[1]

د صِدِّيقِ اكبر رَضِیَ الله عَنْهُ وړومبئ جنګي فيصله

     د حضرت ابوبكر صِدِّيق رَضِیَ الله عَنْهُ د خليفه جوړيدو سره چې سمدستي كومه لويه مسئله پيښه شوه هغه د حضرت اُسامه بِن زيد رَضِیَ الله عَنْهُ د لښكر د روانئ وه ، خوږ نبـي  صَلَّى اللهُ عَلَيْهِ وَاٰلِهٖ وَسَلَّم په خپل ظاهري ژوند كښې دا آخري جنګي فيصله فرمائيلي وه چې حضرت اُسامه بِن زيد رَضِیَ الله عَنْهُ ته ئې د 700 مجاهدينو لښكر وركړو او د مُلكِ رُوم سره ئې د جنګ د پاره اوليږلو. دا لښكر لا په لاره كښې وو چې د خوږ نبـي د وصال خبر ور اورسيدو ، لښكر بيرته راغے. د حُضُورِ اكرَم  صَلَّى اللهُ عَلَيْهِ وَاٰلِهٖ وَسَلَّم د وصال نه پس هغه قبيلے د كومو په زړونو كښې چې ايمان پوخ نه وو يا د مخكښې نه منافقان وو او خپل منافقت ئې پټ كړے وو ، هغوئي مرتد شو او د اِيمان نه واوړيدل ، په داسې نازك حال كښې صحابۀ كرامو عَلَيْهِـمُ الـرِّضْوان  د اَمِیْرُ الْمُؤْمِنِیْن ، حضرت صِدِّيقِ اكبر رَضِیَ الله عَنْهُ په خدمت كښې