دنیا میں  یوں  رہو گویا تم مسافر ہو یا راہ چلتے ۔ حضرت عبداللہ بن عمر رَضِیَ اللہُ عَنْہُمَا فرماتے تھے کہ جب تم شام پالو تو صبح کے مُنتظِر نہ رہو اور جب صبح پالو تو شام کی اُمید نہ رکھو اور اپنی تندرستی سے بیماری کے لیےاور زندگی سے موت کے لیے کچھ سامان  لے لو ۔ ^[1]

 اللہ  پاک ہمیں  دنیا کی حقیقت کو سمجھنے اور اس کی رنگینیوں  سے دھوکہ نہ کھانے کی توفیق عطا فرمائے ، اٰمین۔ ^[2]

شہا مَنڈلا رہی ہے موت سرپرپھر بھی میرا نَفس                                                              گنا ہوں کی طرف ہردم ہے مائل  یارسولَ اللہ^[3]

صَلُّوا عَلَی الْحَبیب!                                                                                               صَلَّی اللّٰہُ عَلٰی مُحَمَّد

پیارے پیارےاسلامی بھائیو!تاجدارِرِسالت ، شہنشاہِ نَبوتصَلَّی اللّٰہُ عَلَیْہِ وَاٰلِہٖ وَسَلَّم ، اور انبیائے کرام عَلَیْھِمُ السَّلام موت کو بکثرت یاد کیا کرتے اور لوگوں کو اس کی یاد دلایا کرتے تھے ، چنانچہ

روایات میں ہے کہ حضرتِ عیسٰیعَلَیْہِ السَّلَام جب موت کا ذکر سنتے تو ان کے جسم سے خون کے قطرے گِرنے لگتے۔ حضرتِ داؤد عَلَیْہِ السَّلَامجب موت اور قیامت کا ذکر کرتے تو ان کی سانسیں  اُکھڑ جاتیں  اور بدن پر لرزہ طاری ہوجاتا ، جب رحمت کا ذکر کرتے تو ان کی حالت سنبھل جاتی۔